Intervalnaje haładańnie pavyšaje imaviernaść raźvićcia raku — navukoŭcy
Papularnaja ŭ śviecie mietodyka pachudzieńnia pry ŭsich jaje pieravahach moža akazacca niebiaśpiečnaj dla čałavieka, paviedamlaje bujny navukovy časopis Nature. Tryvožnaja tendencyja była vyjaŭlena padčas testaŭ na myšach.
Jak piša časopis Nature, navukoŭcy z ZŠA niečakana vyjavili pracesy, jakija pavyšajuć ryzyku ŭźniknieńnia rakavych puchlin u myšej padčas intervalnaha haładańnia. Pieršapačatkova testavańnie ładziłasia dla vyjaŭleńnia dadatkovych pieravah takoj mietodyki pachudzieńnia, a nie naadvarot, pryznajucca daśledčyki.
Sutnaść novaha daśledavańnia była ŭ tym, kab vyśvietlić, što moža adbyvacca ŭ arhaniźmie žyvych istot u momant adnaŭleńnia charčavańnia paśla haładańnia praciahłaściu 24 hadziny. Byli vyjaŭlenyja dobraja i drennaja tendencyi.
Dobraja — paśla viartańnia da ježy ŭ myšej aktyvizavalisia stvałavyja kletki, jakija adnaŭlajuć kišečnik. Drennaja — stvałavyja kletki kišečnika, dziakujučy svajoj zdolnaści pastajanna dzialicca, spryjali raźvićciu pieradrakavych kletak i narastaŭ.
Navukoŭcy adznačajuć, što choć pakul i rana rabić vysnovy pra vierahodnaje paŭtareńnie padobnych tryvožnych nazirańniaŭ u ludziej, ale takaja vierahodnaść vysokaja. Niahledziačy na dakazanyja vialikija pieravahi intervalnaha haładańnia dla arhanizma čałavieka, treba ŭ hetym viedać mieru i zachoŭvać aściarožnaść.
Ciapier daśledčyki majuć namier praciahnuć daśledavańni, kab lepš zrazumieć miechanizmy haładańnia i vychadu ź jaho, jakija dapamohuć raspracavać rekamiendacyi dla lekaraŭ-dyjetołahaŭ.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary