I heta niahledziačy na zajavy ab spynieńni nastupu USU.
Daradca hubiernatara Kurskaj vobłaści Raman Alochin zaklikaŭ žycharoŭ pamiežnaha horada Rylska evakujavacca, «pakul dla hetaha jość mahčymaść».
«Nie čakajcie da apošniaha, jak Sudža, Koranieva, Hłuškova. Žyćcio vaša i vašych svajakoŭ daražejšaje za žyćcio sabački», — zajaviŭ jon.
Rylsk znachodzicca za 40 kiłamietraŭ ad miažy z Ukrainaj, u im pražyvajuć 15 tysiač čałaviek.
Alochin padkreśliŭ, što cyvilnamu nasielnictvu treba ŭ terminovym paradku pakinuć horad, pakul heta biaśpiečna.
«Zaciahvajučy z pryniaćciem pastanovy ab vyjeździe, vy padstaŭlajecie pad udar nie tolki siabie, ale i tych, chto potym budzie ryzykavać žyćciom, kab vas evakujavać», — rastłumačyŭ jon.
Miž tym u Minabarony Rasii zapeŭnivajuć, što nastup ukrainskich sił u Kurskaj vobłaści spynieny. U pryvatnaści, pra heta rehularna zajaŭlaje namieśnik načalnika Hałoŭnaha ŭpraŭleńnia pa vajenna-palityčnaj pracy viedamstva, kamandzir čačenskaha śpiecnaza «Achmat» hienierał-major Apci Ałaudzinaŭ.
Upieršyniu jon skazaŭ ab «spynieńni» prasoŭvańnia USU ŭ rehijonie 9 žniŭnia i paśla paŭtaryŭ toje ž samaje jašče jak minimum piać razoŭ, piša Moscow Times.
-
«Ci jość sens za ich čaplacca?» Pucin namiaknuŭ pra hatoŭnaść spynić vajnu, kali jamu zdaduć Danbas
-
Iłan Mask viartajecca ŭ administracyju Trampa, užo ŭ novaj roli
-
U Efiopii paśla niekalkich hadoŭ pierapynku znoŭ razharajecca poŭnamaštabnaja hramadzianskaja vajna. Moža destabilizavacca i ŭvieś rehijon
Toj samy masažyst raskazaŭ, navošta zdymaŭ hołych klijentak2
Kamientary
Koli usich žitieliv užie jevakujuvali, a ukrajinśka armija ŝie nie dijšła - najzručnišij momient dla toho, ŝob marodieriti.