Volzie Brycikavaj z «Naftana» prydumali jašče try kryminalnyja spravy
U Viciebskim abłasnym sudzie 20 žniŭnia raspačaŭsia druhi sud nad byłoj staršynioj niezaležnaha prafsajuza «Naftan» z Navapołacka, jakuju ŭ krasaviku asudzili da troch hadoŭ kałonii, piša «Viasna».
Hetym razam žančynu abvinavačvajuć pavodle troch artykułaŭ Kryminalnaha kodeksa:
- č. 1 art. 361-4 (sadziejničańnie ekstremisckaj dziejnaści),
- č. 1 art. 130 (raspalvańnie inšaj sacyjalnaj varožaści i varažniečy),
- č. 3 art. 361 (zakliki da mieraŭ abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś).
Spravu razhladaje sudździa Jaŭhien Burunoŭ.
Volha adpracavała na pradpryjemstvie «Naftan» 16 hadoŭ, ale była zvolniena praz vykazvańnie svajoj pazicyi. Palitźniavolenuju šmat razoŭ zatrymlivali za vykazvańni suprać vajny i raspaŭsiud «ekstremisckich» materyjałaŭ. Ciaham 2022 hoda jana praviała ŭ źniavoleńni 105 sutak, ź ich — 75 zapar.
Viciebski abłasny sud 8 krasavika ŭ zakrytym režymie asudziŭ Volhu da troch hadoŭ kałonii va ŭmovach ahulnaha režymu. Aktyvistku abvinavacili ŭ «raspalvańni inšaj sacyjalnaj varožaści albo varažniečy» pavodle č. 1 art. 130 Kryminalnaha kodeksa. Taki prysud ahučyła sudździa Halina Bondał.
11 červienia sudovaja kalehija Viarchoŭnaha suda pad staršynstvam Uładzimira Čaravača razhledzieła apielacyjnuju skarhu Volhi i pakinuła jaje biez zadavalnieńnia, a prysud bieź źmienaŭ.
Naprykancy červienia Volhu ź SIZA etapavali ŭ homielskuju žanočuju kałoniju № 4. Ala pierad čarhovym sudom jaje znoŭ pieraviali ŭ viciebski SIZA-2.
Miesca ŭtrymańnia: SIZA-2. 210026, Viciebsk, Haharyna, 2. Volha Iharaŭna Brycikava
Milicyja schavała hałoŭnaje — mahiloŭski mańjak-lifcior užo siadzieŭ za zhvałtavańnie. Ale jaho nie pravieryli na datyčnaść da zabojstvaŭ3
Kamientary
Jak asoba jon i jaho kalehi - słabaki. Nie zdolnyja jak piersona navat arhumientavać svaju pravatu. Tolki pomścić takimi mietadami.