Biełharadskija ŭłady pačynajuć evakuacyju nasielnictva jašče z adnaho pryhraničnaha rajona
«U nas tryvožnaja ranica», — kaža hubiernatar Hładkoŭ.
Hubiernatar Biełharadskaj vobłaści Viačasłaŭ Hładkoŭ ranicaj paniadziełka abviaściŭ pra pačatak evakuacyi nasielnictva pryhraničnaha Krasnajaružskaha rajona, piša Bi-bi-si.
«U nas tryvožnaja ranica. Aktyŭnaść voraha na miažy Krasnajaružskaha rajona […] Pačynajem pieramiaščeńnie žycharoŭ Krasnajaružskaha rajona ŭ bolš biaśpiečnyja miescy», — skazaŭ Hładkoŭ u videazvarocie ŭ telehramie, dadaŭšy, što transpart u hety rajon užo adpraŭleny.
Pra ataku adnaho ŭkrainskaha padraździaleńnia na pamiežnaje siało Kałaciłaŭka ŭ Krasnajaružskim rajonie rasijskija vajskovyja błohiery paviedamlali jašče ŭ niadzielu. Hładkoŭ zaklikaŭ žycharoŭ vioski źjazdžać adtul jašče try dni tamu.
Krasnajaružski rajon raźmieščany na paŭnočnym zachadzie Biełharodskaj vobłaści, ad rajcentra, Čyrvonaj Jaruhi, da Sudžy ŭ Kurskaj vobłaści, kudy 6 žniŭnia ŭvajšli ŭkrainskija častki, — prykładna 45 km.
Da pačatku apieracyi USU pahranpunkt pamiž Rasijskaj Kałaciłaŭkaj i ŭkrainskaj Pakroŭkaj byŭ adzinym, dzie pracujuć KPP na rasijska-ŭkrainskaj miažy.
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary