ES uvioŭ sankcyi suprać 28 biełaruskich siłavikoŭ i prapahandystaŭ
Jeŭrasajuz uvioŭ čarhovuju porcyju sankcyj.
Hetyja sankcyi pryniatyja napiaredadni čaćviortaj hadaviny sfalsifikavanych prezidenckich vybaraŭ u žniŭni 2020 hoda.
«U svaich zaklučeńniach ad 19 lutaha 2024 hoda Rada vykazała hłybokuju zaniepakojenaść paharšeńniem situacyi z pravami čałavieka ŭ Biełarusi i rašuča asudziła praciah kampanii pieraśledu i zapałochvańnia ŭsich słajoŭ biełaruskaha hramadstva z boku biełaruskaha režymu. (…) ES nastojliva zaklikaje biełaruskija ŭłady nieadkładna i biezumoŭna vyzvalić usich palityčnych źniavolenych i admianić śmiarotnaje pakarańnie. Rada taksama rašuča asudziła biesprecedentny ŭzrovień represij i abmiežavańniaŭ na ŭdzieł u palityčnym žyćci napiaredadni parłamienckich i miascovych vybaraŭ, jakija adbylisia 25 lutaha 2024 hoda», — havorycca ŭ pres-relizie Rady ES.
Sankcyi ŭviedzienyja suprać hiendyrektara BiełTA Iryny Akułovič; viadučaha prajekta Sienat na telekanale STB (STV) i staršyni Maładziožnaha savieta pry Nacschodzie Mikity Račyłoŭskaha, hałoŭnaha redaktara «Biełaruś siehodnia» Dźmitryja Žuka.
«Hetyja prapahandysty śviadoma pradstaŭlajuć biełaruskamu hramadstvu iłžyvuju infarmacyju pra represii, jakija pravodziać dziaržaŭnyja struktury, raspaŭsiudžvajuć dezinfarmacyju jak ad biełaruskich, tak i ad rasijskich uładaŭ, i raspalvajuć varožaść u dačynieńni da demakratyčnaj apazicyi i hramadzianskaj supolnaści», — havorycca ŭ pres-relizie ES.
Ahułam abmiežavalnyja miery ES u dačynieńni Biełarusi prymianiajucca ciapier da 261 asoby i 37 jurydyčnych asob.
-
Ivan Prus raskazaŭ, jak nažyŭsia na 200 dalaraŭ, pasialiŭšy kinazorku va ŭbitaj kvatery kala zvałki ŭ Šabanach, abstaŭlenaj rečami ź jaho internata
-
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
-
Litoŭskija pamiežniki znajšli na miažy ź Biełaruśsiu partyju cyharet na 260 tysiač jeŭra
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Kamientary
https://eur-lex.europa.eu/legal-content/EN/TXT/?uri=OJ:L_202402113
Łukašyst, pierachodź pa spasyłcy, šukaj svajo proźvišča. )))