Pryčyny spynieńnia suviazi nieviadomyja.
Svajaki palitźniavolenaj Aleny Hnaŭk paviedamili, što ŭžo paŭtara miesiacy nie atrymlivali ad jaje listoŭ, piša Radyjo Svaboda.
Pryčyny zatrymki z suviaźziu im nieviadomyja. U apošnim z atrymanych listoŭ palitźniavolenaja «paviedamiła, što žyvaja», padzialiŭsia infarmacyjaj pra Alenu Hnaŭk pravaabaronca Uładzimir Vialičkin.
Aktyvistcy ź Biarozy Alenie Hnaŭk 67 hadoŭ. Z 2021 hodau jaje sudzili trojčy.
Pieršy raz Alenie Hnaŭk prysudzili 3 hady «chatniaj chimii» za ŭdzieł u «karahodzie» — akcyi pratestu suprać falšavańnia vybaraŭ, jakaja adbyłasia ŭ Bieraści ŭ vieraśni 2020 hoda.
Druhim razam piensijanierku pryciahnuli da sudovaj adkaznaści nibyta za paklop na Łukašenku i dyskredytacyju Biełarusi. Za heta ŭ 2022 hodzie byłaja jurystka atrymała 3,5 hady źniavoleńnia. Praz hod užo ŭ kałonii Alenie dadali da terminu jašče hod za «złosnaje niepadparadkavańnie zakonnym patrabavańniam administracyi papraŭčaj ustanovy» pavodle 411 artykułu Kryminalnaha kodeksa.
Viadoma, što ŭ časie śledstva Alena Hnaŭk trymała haładoŭku na znak pratestu, a ŭ homielskaj žanočaj kałonii № 2 jaje źmiaščali ŭ PKT i pazbavili pieradač dy spatkańniaŭ.
Ciapier Alena Hnaŭk adbyvaje pakarańnie ŭ papraŭčaj kałonii № 24 u Rečyckim rajonie, pryznačanaj dla tych, chto asudžany bolej za adzin raz. Viadoma, što za čas źniavoleńnia žančyna značna schudnieła, u jaje pahoršyłasia zdaroŭje, ale, pavodle krynicaŭ, jakija ź joj kantaktavali, jana trymajecca i na ŭmovy nie narakaje.
«Jana pa-raniejšamu aktyŭnaja, niazłomnaja. Pieradaje pryvitańni tym, chto na voli», — paviedamlała pra Alenu Hnaŭk byłaja asudžanaja kałonii № 24.
-
Kobrynca, jaki zastaŭsia biez nahi paśla vybuchu mašyny, pasadzili za kantakt z žurnalistami. Paśla vyzvaleńnia jon raskazaŭ svaju historyju
-
Pasoł Ukrainy pa pytańniach Biełarusi: «Pazicyja Cichanoŭskaj dakładna nie pacyfisckaja»
-
Ci mohuć minskija školniki biaspłatna karystacca hramadskim transpartam padčas letnich kanikuł?
Ciapier čytajuć
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1111
Kamientary