Urad Estonii 1 žniŭnia razhladzieŭ płan, jaki praduhledžvaje pierachod da poŭnaha mytnaha kantrolu ŭsich ludziej i hruzaŭ, jakija pierasiakajuć miažu ŭ bok Rasii. Mahčyma, heta adbudziecca ŭžo 8 žniŭnia.
Premjer-ministr Krysten Michał adznačyŭ, što Estonija pavinna zrabić usio mahčymaje dla spynieńnia pieravozki praz Estoniju padsankcyjnych tavaraŭ i dla ŭmacavańnia biaśpieki krainy.
«Na žal, sproby nievykanańnia sankcyj i pieravozki zabaronienych tavaraŭ na našych miežach praciahvajucca, jak i raspačataja Rasijaj žorstkaja vajna suprać ukrainskaj dziaržavy i nasielnictva. Užyvańniem poŭnaha kantrolu tavaraŭ [što vyvoziacca] my ŭskładnim uchileńnie ad sankcyj i dziejańni Rasii pa zabieśpiačeńni jaje vajennaj mašyny», — skazaŭ Michał.
Jon zaŭvažyŭ, što ab źmianieńniach prainfarmavany miascovyja orhany samakiravańnia, hruzapieravozčyki i aŭtobusnyja kampanii.
Va ŭradzie adznačyli, što prymianieńnie poŭnaha mytnaha kantrolu pavialičyć čas pierasiačeńnia hranicy i kolkaść ludziej, jakija pierasiakajuć hranicu, imavierna, skarocicca.
Ministr zamiežnych spraŭ krainy Marhus Cachkna napisaŭ u Ch, što poŭny mytny kantrol budzie ŭviedzieny z 8 žniŭnia, zaŭvažyŭ reformby.org.
-
U niamieckim Kiolnie evakuirujuć 20 tysiač čałaviek. Pryčyna — bomby časoŭ Druhoj suśvietnaj vajny
-
Kampanija-vydaviec «Śvietu tankaŭ» publikuje infarmacyju ab svajoj padtrymcy Uzbrojenych sił Rasii
-
Litoŭski deputat: Niama nijakich prykmiet taho, što Rasija ci Biełaruś mohuć napaści na krainy NATA ŭ 2025-m
Ciapier čytajuć
«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7
Kamientary