U SK raspaviali, kudy ni ŭ jakim razie nie varta źviartacca pa aŭto.
Hrodzienskim mižrajonnym adździełam Śledčaha kamiteta ŭstanaŭlivajucca abstaviny machlarstva, ździejśnienaha ŭ asabliva bujnym pamiery.
Pavodle materyjałaŭ kryminalnaj spravy, 37-hadovy žychar Hrodna vyrašyŭ nabyć aŭtamabil. U instahramie mužčyna znajšoŭ staronku, dzie rekłamavaŭsia prodaž transpartnych srodkaŭ z Kitaja.
Pryhožyja fatahrafii sučasnych mašyn, vyklučna stanoŭčyja vodhuki klijentaŭ, prafiesijnyja kansultanty stvaryli šykoŭnuju karcinku, na jakuju i pavioŭsia mužčyna. Jon pahutaryŭ ź mieniedžaram. Kali ŭsie jaho ŭmovy byli ŭličanyja i aŭtamabil abrany, jamu dasłali ŭzor damovy.
Vyvučyŭšy dakumient, žychar Hrodna padpisaŭ jaho, a paśla adkryŭ rachunak u banku i ažyćciaviŭ pieravod srodkaŭ na pakazany ašukancami rachunak. Jašče 10 dzion kibierzłačyncy padmanvali pakupnika, prydumlajučy daty pastaŭki doŭhačakanaha aŭto, a paśla pierastali vychodzić na suviaź.
Tady mužčyna zrazumieŭ, što staŭ achviaraj machlaroŭ, jakim pieravioŭ bolš za 72 tysiačy rubloŭ. Jon źviarnuŭsia ŭ milicyju.
Padčas rasśledavańnia kryminalnaj spravy ŭstanoŭlena, što na pryvabnuju prapanovu fejkavaj internet-kramy logran.trade.auto adhuknulisia jašče dva žychary Hrodna, kožny ź jakich taksama pieravioŭ zvyš 70 tysiač biełaruskich rubloŭ.
U chodzie dopytaŭ paciarpiełyja pakazvali, što jakich-niebudź sumnieńniaŭ u realnaści ździełki nie ŭźnikała, a paśla taho, jak im vysyłali ŭzor damovy, u jakim byli prapisany abaviazki kožnaha z bakoŭ, umovy transparciroŭki aŭtamabila, jany byli pierakananyja, što ŭ bližejšy čas stanuć uładalnikami sučasnych inšamarak.
Pry hetym taksama ich padkuplaŭ fakt paasobnaj apłaty, kali pieršapačatkova ŭnosilisia srodki za mašynu, a paśla pa prybyćci aŭtamabila ŭ Biełaruś — usie astatnija vydatki.
Pa dadzienych faktach uzbudžany kryminalnyja spravy pa č. 4 art. 209 KK (machlarstva, ździejśnienaje ŭ asabliva bujnym pamiery).
U SK miarkujuć, što faktaŭ padmanu moža być bolš. Tych, chto paciarpieŭ ad ašukanskich dziejańniaŭ iłžepradaŭca internet-kramy logran.trade.auto, prosiać paviedamić u SK.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary