Аўто

Як махляры разводзяць беларусаў на новых аўто з Кітая

У СК распавялі, куды ні ў якім разе не варта звяртацца па аўто.

 Ілюстрацыйны здымак. Фота: onliner.by

Гродзенскім міжраённым аддзелам Следчага камітэта ўстанаўліваюцца абставіны махлярства, здзейсненага ў асабліва буйным памеры. 

Паводле матэрыялаў крымінальнай справы, 37-гадовы жыхар Гродна вырашыў набыць аўтамабіль. У інстаграме мужчына знайшоў старонку, дзе рэкламаваўся продаж транспартных сродкаў з Кітая.

Прыгожыя фатаграфіі сучасных машын, выключна станоўчыя водгукі кліентаў, прафесійныя кансультанты стварылі шыкоўную карцінку, на якую і павёўся мужчына. Ён пагутарыў з менеджарам. Калі ўсе яго ўмовы былі ўлічаныя і аўтамабіль абраны, яму даслалі ўзор дамовы. 

Вывучыўшы дакумент, жыхар Гродна падпісаў яго, а пасля адкрыў рахунак у банку і ажыццявіў перавод сродкаў на паказаны ашуканцамі рахунак. Яшчэ 10 дзён кіберзлачынцы падманвалі пакупніка, прыдумляючы даты пастаўкі доўгачаканага аўто, а пасля перасталі выходзіць на сувязь. 

Тады мужчына зразумеў, што стаў ахвярай махляроў, якім перавёў больш за 72 тысячы рублёў. Ён звярнуўся ў міліцыю. 

Падчас расследавання крымінальнай справы ўстаноўлена, што на прывабную прапанову фэйкавай інтэрнэт-крамы logran.trade.auto адгукнуліся яшчэ два жыхары Гродна, кожны з якіх таксама перавёў звыш 70 тысяч беларускіх рублёў. 

У ходзе допытаў пацярпелыя паказвалі, што якіх-небудзь сумненняў у рэальнасці здзелкі не ўзнікала, а пасля таго, як ім высылалі ўзор дамовы, у якім былі прапісаны абавязкі кожнага з бакоў, умовы транспарціроўкі аўтамабіля, яны былі перакананыя, што ў бліжэйшы час стануць уладальнікамі сучасных іншамарак. 

Пры гэтым таксама іх падкупляў факт паасобнай аплаты, калі першапачаткова ўносіліся сродкі за машыну, а пасля па прыбыцці аўтамабіля ў Беларусь — усе астатнія выдаткі. 

Па дадзеных фактах узбуджаны крымінальныя справы па ч. 4 арт. 209 КК (махлярства, здзейсненае ў асабліва буйным памеры). 

У СК мяркуюць, што фактаў падману можа быць больш. Тых, хто пацярпеў ад ашуканскіх дзеянняў ілжэпрадаўца інтэрнэт-крамы logran.trade.auto, просяць паведаміць у СК.

Каментары

Цяпер чытаюць

Лукашэнка: Хутка 4 мільёны працоўных сагнуцца, на карачкі стануць, і мы не зможам ім нармальны заробак плаціць30

Лукашэнка: Хутка 4 мільёны працоўных сагнуцца, на карачкі стануць, і мы не зможам ім нармальны заробак плаціць

Усе навіны →
Усе навіны

ЗША абвясцілі пра санкцыі супраць «Раснафты» і «Лукойла»8

На вайне з Украінай загінуў сын былога міліцэйскага начальніка з Віцебска21

ЗША знялі ключавое абмежаванне на ўдары дальнабойнымі ракетамі па Расіі — WSJ5

Выбух адбыўся на абаронным заводзе ў Чалябінскай вобласці. Ёсць ахвяры5

Як Фядыніч адкрыў аўтобус Статкевічу на мяжы і як Вінярскі таксама выйшаў, каб застацца ў Беларусі. Новыя падрабязнасці3

Генеральны сакратар НАТА падтрымаў ідэю Трампа спыніць вайну ва Украіне па лініі фронту

Лукашэнка загадаў чыноўнікам праводзіць нарады на выходных і пасля працы2

Музыкант Алег Скрыпка: Я за вайсковы пераварот21

Беларус прадае слоік мёду за 1500 рублёў. За што такія грошы6

больш чытаных навін
больш лайканых навін

Лукашэнка: Хутка 4 мільёны працоўных сагнуцца, на карачкі стануць, і мы не зможам ім нармальны заробак плаціць30

Лукашэнка: Хутка 4 мільёны працоўных сагнуцца, на карачкі стануць, і мы не зможам ім нармальны заробак плаціць

Галоўнае
Усе навіны →

Заўвага:

 

 

 

 

Закрыць Паведаміць