Raniej Minski abłasny sud pryznaŭ jaho vinavatym pavodle šaści artykułaŭ Kryminalnaha kodeksa i prysudziŭ da śmiarotnaha pakarańnia.
Pra toje, što Kryhier napisaŭ prašeńnie ab pamiłavańni, prapahandysty paviedamili tolki siońnia. Intryha, ci zrobić heta Łukašenka, pratrymałasia tolki niekalki hadzin.
Pierad hetym, jak paviedamlała siońnia BiełTA, Łukašenka «zaprasiŭ ludziej, pahružanych u praces, pačuć padrabiaznaści, mierkavańni, «paraicca».
Pry hetym jon tak prakamientavaŭ situacyju:
«Najhoršaje pytańnie ŭ losie i žyćci prezidenta, jakoje atrymała vielmi surjoznaje hučańnie. Ryka Kryhier — hramadzianin Hiermanii. Akazvajecca, tolki ŭ 1993 hodzie naradziŭsia. Sudom pryhavorany ŭ Biełarusi da vyklučnaj miery pakarańnia. Pavodle našaj Kanstytucyi i zakonaŭ, apošniaje słova zaŭsiody za prezidentam. Źviartajecca, nie źviartajecca (za pamiłavańniem)… Ja ŭžo niejak havaryŭ, što samaje ciažkaje ŭ losie kiraŭnika krainy — heta takija spravy, źviazanyja z vyklučnaj mieraj pakarańnia. Moža, i paraicca. Ale pačuć vašaje mierkavańnie», — skazaŭ jon.
Rašeńnie było pryniata vielmi chutka, ciaham niekalkich hadzin. Prytym nie paviedamlajecca, na što Łukašenka zamianiŭ śmiarotnaje pakarańnie. Uvohule, pavodle zakanadaŭstva, jano musić mianiacca na pažyćciovaje źniavoleńnie.
Sudździa Minskaha abłasnoha suda Aleh Łapieka vynies Kryhieru śmiarotny prysud 24 červienia, ale viadoma pra heta stała tolki 19 lipienia. Hramadzianina Hiermanii pryznali vinavatym pavodle č. 4 art. 295 (niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ), č. 4 art. 309 (naŭmysnaje pryviadzieńnie ŭ nieprydatnaść transpartnaha srodku abo šlachoŭ znosin), č. 3 art. 3611 (stvareńnie ekstremisckaha farmavańnia albo ŭdzieł u im), č. 3 art. 289 (akt teraryzmu), art. 3581 (ahienturnaja dziejnaść) i art. 133 (najmictva) Kryminalnaha kodeksa Biełarusi.
Kryhieru zakidali ažyćciaŭleńnie vybuchu na čyhunačnaj stancyi Aziaryšča pad Minskam 6 kastryčnika 2023 hoda. U vyniku hetaha vybuchu nie było nivodnaha paciarpiełaha, a naniesienyja materyjalnyja straty niaznačnyja.
Łukašenka chacieŭ razmovy z Šolcam?
U Rasii z kałonij źnikli niekalki statusnych palitviaźniaŭ. Rychtujecca vialiki abmien?
U Łukašenki abmierkavali spravu Ryka Kryhiera, asudžanaha na śmierć
Hładkaja abvinavaciła advakata Kryhiera ŭ vyniasieńni śmiarotnaha prysudu
Asudžanaha da śmiarotnaha pakarańnia Ryka Kryhiera spatkała jašče adna niepryjemnaść
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?3
Kamientary
Niamieččyna pahadziłasia adpuść terarysta Krasikava?