Palitviaźnia Juryja Ziankoviča, asudžanaha na 11 hadoŭ za «spravu zmoŭščykaŭ», buduć sudzić pa novaj spravie
Pryčym jamu ŭ śniežni 2022 hoda dakinuli paŭhoda.
Palitviaźnia Juryja Ziankoviča, asudžanaha na 11 hadoŭ za «spravu zmoŭščykaŭ», buduć sudzić pa novaj spravie.
Juryj — juryst, asudžany pa «spravie zmoŭščykaŭ». Jaho abvinavacili pavodle šerahu kryminalnych artykułaŭ i prysudzili 11 hadoŭ kałonii va ŭmovach uzmocnienaha režymu, nahadvaje «Viasna».
27 śniežnia 2022 hoda ŭ sudzie Miadzieła razhladałasia novaja sprava suprać Juryja ab «abrazie pradstaŭnika ŭłady» (art. 369 KK). Pa papiaredniaj infarmacyi, Ziankoviču tady dadali jašče paŭhoda.
Spačatku Juryj adbyvaŭ termin u babrujskaj kałonii № 2, dzie na jaho akazvaŭsia cisk. Palitviazień pravioŭ u ŠIZA 8 dzion i abviaščaŭ haładoŭku. Paźniej jamu ŭzmacnili pakarańnie i pieraviali na turemny režym u Mahiloŭ.
Ciapier stała viadoma, što 7 žniŭnia ŭ sudzie Leninskaha rajona Mahilova palitviaźnia pačnuć sudzić za «złosnaje niepadparadkavańnie administracyi turmy» pavodle č. 2 art. 411 KK. Spravu budzie razhladać sudździa Viktoryja Palakova.
Miesca ŭtrymańnia Juryja: Turma № 4. 212011, h. Mahiloŭ, vuł. Krupskaj, 99A
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary