BT pakazała Alimpijadu, choć u jaho niama pravoŭ. Karcinku ŭziali z «Jeŭrasportu»
Kanał «Biełaruś 5» vyrašyŭ paradavać telehledačoŭ pośpiecham płyŭčychi Aliny Zmuški.
«Biełaruś 5» raptam pakazaŭ žanočy zapłyŭ na stomietroŭcy brasam na Alimpijadzie-2024, choć u Biełteleradyjokampanii niama pravoŭ na tranślacyju hulniaŭ.
Zapłyŭ, pa vynikach jakoha biełaruska Alina Zmuška vyjšła ŭ finał Alimpijady, hledačy mahli ŭbačyć vypadkova — padčas adnaho z vypusku navin, zaŭvažyła by.tribuna.com.
Tranślacyju nie anansavali ŭ prahramie pieradač. Pry hetym Zapłyŭ z udziełam Zmuški pakazali nie ŭ navinavym farmacie, a paŭnavartasnym — z kamientataram «Biełaruś 5». Taksama tranślacyju pakazali ŭ pierapynku matču Kubka Biełarusi pa futbole
Padčas pakazu ŭ pravym vierchnim kucie raźmiaścili łahatyp spartyŭnaha sajta TRK sport5.by. pry hetym za im prahladaŭsia łahatyp aryhinalnaj tranślacyi — karcinku, miarkujučy pa ŭsim, uziali ŭ «Jeŭrasportu».
Videa apublikavali i ŭ telehram-kanale sport5.by.
Finalny zapłyŭ na stomietroŭcy brasam z udziełam Aliny Zmuški projdzie siońnia ŭ 22.25 pa Minsku.
Ciapier čytajuć
Azaronak napisaŭ pra palitemihranta — paśla hetaha brata i baćku taho kinuli za kraty1
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary