Viadučy BT raskazaŭ, jak jaho nie chacieli puskać u Paryž na Alimpijadu. Ale jon pieramoh
Viadučy spartyŭnych prahram na kanałach Biełteleradyjokampanii napisaŭ pieršy alimpijski repartaž, jaki, pa jaho słovach, ledź nie staŭ apošnim.
Biełteleradyjokampanija ŭpieršyniu z 1984 hoda pakazvać Alimpijadu nie budzie. Adnak jaje supracoŭniki akredytacyju na hulni atrymali. Dapamoh prynaležny da BDTRK sajt sport5.by, ad jakoha ŭ Paryž i adpraviŭsia viadučy BT Mikałaj Stuła.
U pieršym repartažy z alimpijskaha Paryža hałoŭny redaktar sajta sport5.by raskazaŭ, jak pamiežnicy nie chacieli puskać jaho ŭ stalicu Francyi.
Usio pačałosia z taho, što supracoŭnik BT zabłukaŭ u aeraporcie Šarla de Hola. Jon panarakaŭ na adsutnaść vałancioraŭ i niezrazumiełyja pakazalniki. Dapamoh Stułu adšukać pašpartny kantrol ciemnaskury chłopiec — były student maskoŭskaj VNU, jaki dobra viedaŭ ruskuju movu.
Ale paśla ŭźnikła jašče adna prablema.
«Try dziaŭčyny-pamiežnicy naadrez admaŭlalisia puskać u Francyju praz adsutnaść u pašparcie asobna ŭklejenaj šenhienskaj vizy. Dovady, što na ŭsich Alimpijadach akredytacyja i źjaŭlajecca vizaj, doŭhi čas nie dziejničali. Navat «kazyrny tuz»: słova schengen i numar vizy pad imiem i proźviščam u hałoŭnym alimpijskim dakumiencie nie zmoh rastapić praźmiernuju pilnaść», — raskazaŭ Stuła.
Pamiežnica ŭ vyniku zabrała jahony pašpart i pajšła, a jaje kaleha nibyta pačała huhlić infarmacyju pra Biełaruś.
Praź niekatory čas dziaŭčyna-pamiežnica viarnułasia i ŭsio ž taki puściła Stułu ŭ krainu. Heta jon nazvaŭ maleńkaj pieramohaj.
Alimpijskija hulni ŭ Paryžy aficyjna adkryjucca siońnia, 26 lipienia.
Siońnia ŭ Paryžy adkryvajecca Alimpijada. Ad Biełarusi ŭdzielničaje minimalnaja kolkaść spartoŭcaŭ
Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili
Eks-rasijanka pavinna nieści ściah Kipra na adkryćci Alimpijady. Ale ŭ jaje znajšli OnlyFans, i pačaŭsia skandał
«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž
Izrail papiaredziŭ Francyju ab mahčymym terakcie padčas Alimpijady
Samaje poźniaje rašeńnie VAR u historyi. Hoł Arhienciny na Alimpijadzie admianili tolki praź dźvie hadziny
Ciapier čytajuć
Słova «Unavatuna» značyć «raj». Dzie na Šry-Łancy adpačyvała Mielnikava13
Kamientary