Hrodziency stali ŭ vielizarnuju čarhu, kab pierarehistravać aŭto. HUBAZiK budzie raźbiracca, chto «nahniataje situacyju»
U MUS paviedamili, što kiraŭnik viedamstva ŭziaŭ pad asabisty kantrol situacyju ŭ Hrodzienskaj DAI, dzie biełarusy stali ŭ vialikuju čarhu.
U apošnija niekalki dzion kala rehistracyjnaha padraździaleńnia DAI UUS Hrodzienskaha abłvykankama źbirajucca vialikija čerhi.
Kiroŭcy imknucca chutčej pieraaformić aŭtamabili — heta źviazana z tym, što Polšča pierastała puskać mašyny na biełaruskich numarach biez uładalnikaŭ u sałonie.
U MUS paviedamili, što kiraŭnik viedamstva Ivan Kubrakoŭ uziaŭ situacyju pad asabisty kantrol. U dapamohu hrodzienskim supracoŭnikam nakiravali rabotnikaŭ ź Minska, a praciahłaść pracy rehistracyjnaha padraździaleńnia pavialičana — ciapier jano adkryta z 7.00 da 17.00.
Akramia taho, u MUS śćviardžajuć, što supracoŭniki pieraafarmlajuć aŭto za sutki, choć pa zakonie jany mohuć rabić na praciahu siami dzion.
MUS taksama pahražaje nieviadomym HUBAZiKam — Kubrakoŭ daručyŭ upraŭleńniu «ŭstanavić asob, jakija štučna nahniatajuć abstanoŭku i ažyćciaŭlajuć infarmacyjnyja ŭkidy, jakija nie adpaviadajuć rečaisnaści». Pra jakija mienavita ŭkidy idzie havorka, nie tłumačycca.
Nahadajem, Łatvija i Estonija zabaranili ŭjezd na svaju terytoryju aŭto ź biełaruskimi numarami. Anałahičnuju zabaronu ŭviała i Litva, adnak da 16 žniŭnia mašynam z uładalnikam usio jašče možna budzie ŭjazdžać u krainu. Polšča ad poŭnaj zabarony pakul admoviłasia, ale ŭviała takuju ž mieru — praź miažu prapuskajuć tolki biełaruskija aŭto z uładalnikam u sałonie.
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13
Kamientary