Marzaluk: U luboj škole, u tym liku ŭ ruskamoŭnaj, historyju Biełarusi i hieahrafiju treba vykładać pa-biełarusku
«Jość niejkija simvaličnyja pali, na jakich pavinien być pryjarytet biełaruskaj movy».
Svoj pohlad na miesca biełaruskaj movy ŭ vykładańni historyi Biełarusi i hieahrafii člen-karespandent Nacyjanalnaj akademii navuk Biełarusi i deputat Ihar Marzaluk vykazaŭ žurnalistu «Minskaj praŭdy» Juryju Uvaravu.
Palityk zapeŭnivaje, što jon za «realnaje dvuchmoŭje, i zrazumieła, za zachavańnie biełaruskaj movy». Marzaluk pryznaŭsia, što dumaje na biełaruskaj movie, i zaŭvažyŭ, što zakončvaŭ biełaruskamoŭnuju škołu.
«Situacyja dvuchmoŭja (a byvaje troch, čatyrochmoŭje) nie aznačaje śmierci nacyjanalnaj identyčnaści, nacyjanalnaj kultury», — ličyć prafiesar i pryvodzić u jakaści prykładu Šviejcaryju.
U toj ža čas jon adznačaje:
«Kali havaryć ščyra, to ja liču, što biełaruskaja dziaržava demanstruje ŭzvažany, zbałansavany padychod. Jon pravilny. Inšaja sprava, z majho punktu pohladu, jość niejkija simvaličnyja pali, na jakich pavinien być pryjarytet biełaruskaj movy.
Ja liču, što ŭ luboj škole (u tym liku ŭ ruskamoŭnaj), vykładać historyju Biełarusi, hieahrafiju Biełarusi, hramadaznaŭstva, z majho punktu hledžańnia, treba na biełaruskaj movie. U tym liku dla taho, kab davać moŭnuju praktyku, kab viedać movu».
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt13
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary