Karty pieršaha tura prezidenckich vybaraŭ 1994 hodu ŭ Biełarusi pa rajonach. Hałasavańnie za Łukašenku, Paźniaka, Kiebiča i Šuškieviča.
Karty pieršaha tura prezidenckich vybaraŭ 1994 hodu ŭ Biełarusi pa rajonach. Hałasavańnie za Łukašenku, Paźniaka, Kiebiča i Šuškieviča.
Karta hałasavańnia za Paźniaka pa rajonach
Samaja pakazalnaja — karta hałasavańnia za Paźniaka. Važnaść jaje pieraacanić składana, bo pakul heta adzinyja dakładnyja vyniki volevyjaŭleńnia hramadzianaŭ Biełarusi pa rajonach. Na astatnich vybarach užo byli falsifikacyi. Tak što hetaja karta — faktyčna adzinaja, jakaja daje nam poŭnaje i vielmi dakładnaje ŭjaŭleńnie ab hieahrafii biełaruskaha nacyjanalizmu.
Paźniak nabraŭ 12,82%.
Bolš za ŭsio Paźniak nabraŭ u Zachodniaj Biełarusi, a mienš za ŭsio — va Uschodniaj.
Cikavaje nazirańnie ab tym, što tut
centr pryciahnieńnia — Vilnia, ad jakoj razychodziacca kancentryčnyja koły. Jašče areał Paźniaka vielmi niadrenna ŭpisvajecca ŭ davajennyja miežy Biełarusi.Pryčym hetyja areały naŭrad ci zaležać ad miežaŭ vobłaściaŭ, što dobra vidać u Minskaj i asabliva ŭ Viciebskaj vobłaści.
Ja niejak źbiraŭ śpis
Na ŭsio heta jašče nakładajucca relihijny i nacyjanalny faktary. Za Paźniaka hałasavali mnohija kataliki, jakich asabliva šmat u Zachodniaj Biełarusi i pierš za ŭsio ŭ Hrodzienskaj vobłaści.
Palakaŭ taksama bolš za ŭsio ŭ Hrodzienskaj vobłaści — amal čverć nasielnictva. Ale jany vidavočna nie hałasavali za Paźniaka ŭ pieravažnaj bolšaści. Bolš za ŭsio palakaŭ u Voranaŭskim rajonie Hrodzienskaj vobłaści — bolšaść nasielnictva, ale tut Paźniak nabraŭ 22%, tolki krychu vyšej za siaredni pa vobłaści pakazčyk. Całkam mahčyma, što biełaruski nacyjanalizm palakam taksama nie blizki.
Ja b vykazaŭ zdahadku, što
za Paźniaka bolš za ŭsio hałasavali kataliki, ale etničnyja biełarusy.Z taho, što na pieršy pohlad ździviła, — Stolinski rajon u Bresckaj vobłaści, u jakim Paźniak atrymaŭ 31,8%, — značna bolš, čym u navakolnych rajonach, ale tut 42% pratestantaŭ.
Karta hałasavańnia za Łukašenku
Nahadaju, što heta (1994 h.) apošnija vybary, na jakich nie było značnych falsifikacyj, i apošnija vybary, jakija dajuć dakładnuju karcinu ab elektaralnaj hieahrafii krainy.
Łukašenka tady ličyŭsia adnym z asnoŭnych kandydataŭ, jak i Kiebič, Paźniak i Šuškievič, ale 45%, jakija jon nabraŭ u pieršym tury, usio ž byli ahłušalnymi, mahčyma, tamu, što tady nie było apytańniaŭ. Ci byli?
Hieahrafija hałasavańnia za Łukašenku nie źjaŭlajecca lustranym adbitkam hałasavańnia za Paźniaka i Šuškieviča. Bolš za ŭsio Łukašenka nabraŭ u siabie ŭ Mahiloŭskaj vobłaści,i ŭ tym liku 85% u Škłoŭskim rajonie, dzie jon byŭ dyrektaram saŭhasa.
Ale, skažam, u Homielskaj vobłaści Łukašenka nabraŭ mienš, čym u Bresckaj. Častkova heta źviazana z tym, što čarnobylskija rajony mocna hałasavali za Kiebiča. Ale ŭsio roŭna sielskija rajony Bresckaj vobłaści vyłučajucca navat u paraŭnańni ź niečarnobylskimi rajonami Homielskaj vobłaści.
Mienš za ŭsio Łukašenka nabraŭ u samych nacyjanalistyčnych rajonach Hrodzienskaj vobłaści.SialanamPrykmietna mienš Łukašenka nabiraŭ u haradach.
Hałasavańnie za Kiebiča
Tut zusim niama dakładnych hieahrafičnych adroźnieńniaŭ pamiž zachodniaj i ŭschodniaj častkami.
Roźnica ž pa rajonach vielmi prystojnaja — moža być, dzieści byŭ administracyjny resurs, ale ŭ toj ža čas u haradach Kiebič nabiraŭ čaściej navat krychu bolš, čym na vioscy,skažam, u Minsku — na 1% bolš za siaredniaje. Vyłučajucca čarnobylskaja zona ŭ Homielskaj vobłaści i, u mienšaj stupieni, u Mahiloŭskaj. Jak i ŭ zachodnich rajonach Branskaj vobłaści i na poŭnačy Kijeŭskaj vobłaści, tut pavyšanaje hałasavańnie za ŭładu. Mahčyma, usie try vypadki abjadnoŭvaje toje, što tut mnohija zaležać ad dziaržaŭnaj dapamohi.
Karta hałasavańnia za Šuškieviča
Šuškievič nabraŭ 10% hałasoŭ. Ale kali ŭ Paźniaka najvažniejšym faktaram byli histaryčnyja miežy, a urbanizacyja była druhasnym faktaram, to tut situacyja advarotnaja: pierš za ŭsio, Šuškievič nabiraŭ bolš u haradach, ale tolki krychu bolš na zachadzie krainy.
U Minsku Šuškievič zaniaŭ druhoje miesca z 21,2% i navat apynuŭsia na pieršym miescy ŭ Savieckim rajonie stalicy, praŭda, tam adrazu čatyry kandydaty — Šuškievič, Łukašenka, Paźniak i Kiebič — nabrali krychu bolš za 20%.
Karta pieršych miescaŭ pa rajonach
Tut całkam daminuje Łukašenka. Chiba što ŭ samych zachodnich rajonach pieramoh Paźniak, a ŭ dvuch rajonach Homielskaj vobłaści — Kiebič.
Zahadkaj źjaŭlajecca pieramoha Kiebiča ŭ Barysavie.
U Połackim rajonie Viciebskaj vobłaści Kiebič i Łukašenka atrymali pa 35,6% tamu hety rajon zaštrychavany. Cikavy Minsk. Tut u Savieckim rajonie pieramoh Šuškievič, u Centralnym i Pieršamajskim — Kiebič, u astatnich — Łukašenka. Usie try rajony, u jakich pieramoh nie Łukašenka, znachodziacca na poŭnačy stalicy, u tym liku i Centralny, niahledziačy na svaju nazvu.
U ahulnym, hieahrafiju hetych vielmi zapaminalnych vybaraŭ my vyvučyli vielmi niadrenna. Kamu cikava, vyniki pa rajonach jość na sajcie «Elektaralnaja hieahrafija» ŭ vyhladzie skanoŭ z haziety «Svaboda».
Kamientary