22 lipienia ŭ sudzie Savieckaha rajona Minska adbudziecca praces nad kancertnym fatohrafam i muzykam Dźmitryjem Sačyŭkam. Jaho abvinavačvajuć pa «narodnym» artykule ab udziele ŭ pratestach, daviedałasia «Lusterka».
Pasiadžeńnie pačniecca ŭ 10.30 i projdzie ŭ adkrytym režymie, sudzić budzie Volha Jemialjančanka.
Mužčynu abvinavačvajuć pavodle častki 1 artykuła 342 KK — «Arhanizacyja albo aktyŭny ŭdzieł u hrupavych dziejańniach, jakija hruba parušajuć hramadski paradak i spałučanyja ź vidavočnym niepadparadkavańniem zakonnym patrabavańniam pradstaŭnikoŭ ułady abo paciahnuli parušeńnie pracy transpartu, pradpryjemstvaŭ, ustanoŭ abo arhanizacyj». Pa hetym artykule sudziać mnohich šarahovych udzielnikaŭ pratestaŭ 2020 hoda.
Dźmitryju Sačyŭku pahražaje pakarańnie ŭ vyhladzie aryštu albo, što bolš vierahodna, abmiežavańnia voli na termin ad 2 da 5 hadoŭ abo pazbaŭleńnia voli na termin da 4 hadoŭ. Ci znachodzicca mužčyna pad vartaj, nieviadoma. U sacsietkach jon nie źjaŭlaŭsia bolš za miesiac.
Dźmitryj Sačyŭka — muzyka i fatohraf, u pieršuju čarhu viadomy zdymkaj rok-kancertaŭ. Taksama jon byŭ žurnalistam sajta BelMetal. Niadaŭna jamu spoŭniłasia 38 hadoŭ.
U 2021 hodzie Dźmitryja ŭžo zatrymlivali na śviatkavańni Maślenicy ŭ Muziei vałunoŭ u Minsku, jamu tady prysudzili 30 sutak aryštu pa artykule 24.23 ab udziele ŭ niesankcyjanavanym masavym mierapryjemstvie.
Darečy, u hety ž dzień u hetym sudzie buduć razhladać jašče adnu spravu ab udziele ŭ pratestach. Pa tym ža 342-m artykule buduć sudzić čałavieka pa imieni Ivan Siamižon.
Ajcišnika z A1 buduć sudzić za danaty. Jamu pahražaje da 10 hadoŭ kałonii
Rabotnicy suda pahražaje da 12 hadoŭ za «zakliki da sankcyj i abrazu Łukašenki»
U Minsku chutka pačnuć sudzić piać čałaviek pa hučnaj spravie za «padrychtoŭku teraktu ŭ Dzień Pieramohi»
Ajcišnica z Hrodna viarnułasia dadomu z Polščy. Jaje zatrymali i buduć sudzić
Kamientary