Heta zdaryłasia paśla novych sankcyj.
Najbujniejšyja naftapierapracoŭčyja zavody Turcyi stali kuplać mienš rasijskaj nafty paśla apošnich zachodnich sankcyj suprać Rasii, paviedamlaje Reuters.
Adzin z najbujniejšych tureckich naftapierapracoŭčych zavodaŭ, SOCAR Turkey Aegean Refinery (STAR), jaki naležyć azierbajdžanskaj kampanii SOCAR, niadaŭna kupiŭ čatyry partyi syroj nafty ź Iraka, Kazachstana i inšych nierasijskich vytvorcaŭ z pastaŭkaj u śniežni.
Heta ad 77 000 da 129 000 barelaŭ u dzień (b/d) u zaležnaści ad pamieru hruzu.
Jašče ŭ kastryčniku i vieraśni praktyčna ŭsia nafta, jakuju pierapracoŭvaŭ STAR (heta kala 210 000 b/d), była rasijskaj.
Inšy bujny turecki naftapierapracoŭščyk — Tupras (TUPRS.IS) — pavialičvaje zakupki nafty ź Iraka.
Tupras, jaki vałodaje dvuma bujnymi naftapierapracoŭčymi zavodami ŭ Turcyi, vierahodna, chutka całkam spynić impart rasijskaj syroj nafty na adnym z hetych zavodaŭ, kab mieć mahčymaść praciahvać ekspart paliva ŭ Jeŭropu, nie parušajučy novyja sankcyi ES. Ale kampanija budzie praciahvać pierapracoŭku rasijskaj syroj nafty na inšym zavodzie.
Pavodle Kpler, Turcyja płanuje atrymać 141 000 b/d irakskaj syroj nafty ŭ listapadzie, u paraŭnańni z 99 000 b/d u kastryčniku i 80 000 b/d u siarednim za hety hod.
Turcyja — bujny pakupnik rasijskaj syroj nafty, naroŭni z Kitajem i Indyjaj. Usiaho Turcyja impartavała kala 669 000 b/d syroj nafty sa studzienia pa kastryčnik, ź jakich 317 000 b/d, abo 47%, było z Rasii.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Z ulikam rostu zdabyčy nafty ŭ Biełarusi ŭ 2025 hodzie, heta moža ŭzmacnić pramysłovy siektar i pavialičyć rolu krainy ŭ rehijanalnych enierhietyčnych łancuhach, ale razam z tym stvaraje vykliki ŭ dyviersifikacyi pastavak i pierśpiektyvach ekspartu.