Na paliva — 700 rubloŭ na miesiac. Minčanka haniaje na jarkim «Barbi-fordzie»
Vy mahli bačyć pa Minsku hety jarka-ružovy pikap Ford F-150. Za jaho styrnom — minijaciurnaja dziaŭčyna. Kaciaryna raskazała av.by, jak stała haspadyniaj zapaminalnaha aŭto.
«Barbi-ford» — pieršaja mašyna Kaciaryny.
«Historyja pakupki hetaha F-150 nie zusim zvyčajnaja. Reč u tym, što ja nie płanavała zdavać na pravy, a tym bolš kuplać pikap. Ale ŭmiašaŭsia muž. Jon zaŭziaty fanat retratechniki i aktyŭny ŭdzielnik kłuba «Viadroŭniki», — raskazvaje jana žurnalistam. —
Pakul nie atrymała vadzicielskaje paśviedčańnie, dva hady jeździła z mužam u padarožžy praktyčna kožnyja vychodnyja. U niejki momant nabrałasia advahi i adpraviłasia ŭ aŭtaškołu. A kali da zdačy ekzamienu ŭ DAI zastavaŭsia miesiac, my pačali vybirać mnie aŭto.
Razhladali štości nakštałt Cadillac Escalade III abo Jeep Wrangler.
Hetyja mašyny zdavalisia mnie zrazumiełymi ŭ kiravańni i absłuhoŭvańni. Dyj źniešnie padabalisia. Adnojčy pryjechali pa paradu da znajomaha miechanika, a jon, nasupierak usiamu, prapanavaŭ… voś hetaha «małoha»!
Spačatku maja reakcyja była šokavaj! «Jaki ž heta absurd!» — adrazu padumała ja. Ale praz tydzień pryjšła da dumki, što heta jak minimum niezvyčajna! Usiedarožnikaŭ i krasovieraŭ u nas u krainie šmat, a voś taki Ford — adzin!»
Ździełka adbyłasia ŭ 2023 hodzie. Sumu dziaŭčyna nie nazyvaje. Ciapier pikap toj ža madeli i taho ž hoda vypusku (1997) u rodnaj afarboŭcy možna znajści za $20 000.
«Mašyna była čorna-čyrvonaj i ź niejkimi čerapami. Mnie taki vobraz nie padabaŭsia. I adnojčy ŭ hałavu pryjšła dumka: «A što, kali zrabić Ford ružovym?» Karaciej, ja zakatała jaho ŭ pakryćcio Raptor! I, jak skazaŭ malar, hety pikap ciapier vyhladaje jak aksamitnyja bociki. Košt pytańnia — 2 500 dalaraŭ».
Pad kapotam u aŭto — bienzinavy V8 abjomam 4,6 ł i mahutnaściu 231 k. s.
«Mator całkam aryhinalny. Paśla pakupki my ŭ im ničoha nie mianiali. Usio rodnaje! Z dapracovak, akramia koleru, možna nazvać tolki toje, što nam daviałosia pierarabić rysory i chaby, kab stała praściej karystacca poŭnym pryvadam. U asnoŭnym mašyna jeździć na zadnim pryvadzie, ale, kali heta nieabchodna, možna padklučyć i poŭny! Tady hety Ford vybieracca ź luboj łužy».
U kabinie pikapa… kociki. Akazvajecca, haspadynia vyrašyła dapracavać interjer.
«Tut staić sałon ad Dodge. Kab mnie było kamfortniej jeździć, padymali siadzieńnie, stavili śpiecyjalny błok. Zrabili heta tamu, što z-za nievysokaha rostu ja litaralna ničoha nie bačyła, kali ŭ pieršy raz sieła za styrno».
Na ružovym Ford F-150 Kaciaryna jeździć pastajanna. Adnak ciopłyja adnosiny pamiž dziaŭčynaj i pikapam skłalisia nie adrazu. Paśla aŭtaškoły joj faktyčna pryjšłosia pieravučvacca, kab prystasavacca da vialikaj mašyny.
«Paśla nabyćcia aŭto ja praciahnuła svaje pajezdki z mužam, ale ciapier užo ŭ roli kiroŭcy! I heta zusim inšyja emocyi i ŭražańni. Za dva hady padarožžaŭ pa vychadnych ja najeździła bolš za 15 000 km. My abjechali ŭsiu Biełaruś!
Akramia padarožžaŭ pa krainie, paśpieła źjeździć na F-150 u Maskvu i Sankt-Pieciarburh. A ŭ płanach — jašče bolš dalokich pajezdak!»
Paliŭny bak u pikapa vielizarny — 125 litraŭ. Pa horadzie jon raschoduje 17—18 ł/100 km, na trasie — kala 14 ł (navat kali mocna nie hnać).
U miesiac u siarednim na paliva dziaŭčyna tracić kala 700 rubloŭ.
«Na hetaj mašynie kamfortna jechać z chutkaściu da 110 km/h, ale ja razhaniałasia i da 140, ale heta ŭžo nie jaje stychija».
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna1818
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna18
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary