Tehieran paabiacaŭ adnavić svaje jadziernyja abjekty z bolšym razmacham
Prezident Irana Masud Piezieškijan zajaviŭ u niadzielu, što Tehieran adnović svaje jadziernyja abjekty «z bolšaj siłaj», ale dadaŭ, što kraina nie imkniecca da stvareńnia jadziernaj zbroi, pieradaje Reuters.
Piezieškijan zrabiŭ svaje zajavy padčas vizitu ŭ Arhanizacyju atamnaj enierhii Irana, dzie jon sustreŭsia z kiraŭnikami jadziernaj haliny krainy.
«Źniščeńnie budynkaŭ i zavodaŭ nie stvoryć dla nas prablemy, my adnovim ich i z bolšaj siłaj», — skazaŭ iranski prezident.
U červieni ZŠA pry padtrymcy Izraila nanieśli ŭdary pa iranskich jadziernych abjektach, jakija Vašynhton ličyć častkaj prahramy, nakiravanaj na raspracoŭku jadziernaj zbroi. Tehieran ža nastojvaje, što jaho jadziernaja prahrama maje vyklučna mirnyja, hramadzianskija mety.
«Usio heta pryznačana dla vyrašeńnia prablem ludziej», — zajaviŭ Piezieškijan pra jadziernuju dziejnaść Irana.
Prezident ZŠA Donald Tramp raniej papiaredžvaŭ, što addaść zahad ab novych napadach na jadziernyja abjekty Irana, kali Tehieran pasprabuje adnavić abjekty, razbomblenyja Złučanymi Štatami.
Ciapier čytajuć
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»17
Kamientary