Ajcišnika z A1 buduć sudzić za danaty. Jamu pahražaje da 10 hadoŭ kałonii
Maksim Remiezaŭ zajmaŭ davoli vysokuju ajcišnuju pasadu.
Maksimu Remiezavu 43 hady. Jon skončyŭ Biełaruski dziaržaŭny ŭniviersitet infarmatyki i radyjoelektroniki na sietkavaha inžyniera. Pačynaŭ karjeru na Minskim elektramiechaničnym zavodzie. Paśla pracavaŭ prahramistam u roznych firmach — IBA i Netland. U 2022-m pierajšoŭ na pasadu System architect u kampaniju A1.
Heta adna z najvyšejšych pasadaŭ u IT, jakuju možna paraŭnać z hałoŭnym inžynieram na pradpryjemstvie. Heta čałaviek, jaki prajektuje IT-infrastrukturu dla zamoŭnika.
Taksama Maksim zachaplaŭsia bieham. Jon udzielničaŭ u amatarskich čempijanatach pa marafonskim biehu ŭ tryjatłonie, dzie rehularna ŭvachodziŭ u dziasiatku najlepšych atletaŭ.
Sud nad Maksimam pačynajecca 31 lipienia 2024 hoda. Jaho vinavaciać pa dvuch artykułach — «finansavańnie ekstremisckaj dziejnaści» (č. 2 art. 361-2 KK) i «finansavańnie abo inoje materyjalnaje zabieśpiačeńnie vajny» (č. 2 art. 361-3 KK). Pa apošnim zvyčajna sudziać tych, chto rabiŭ achviaravańni na dapamohu Ukrainie. Pahražaje jamu ad piaci da dziesiaci hadoŭ kałonii.
Sudzić jaho budzie Viktoryja Pališčuk. Heta 34-hadovaja sudździa rodam z Maładziečna. Jana, naprykład, prysudziła try hady kałonii praŭnuku Jakuba Kołasa Mikitu Bruju i try z pałovaj hady vykładčycy Natalli Dulinaj.
«Naša Niva» — bastyjon biełaruščyny
PADTRYMAĆCiapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ6
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1313
Kamientary