Rybak, jaki šukaŭ čarviakoŭ, vypadkova znajšoŭ adzin z najbujniejšych srebnych skarbaŭ Siaredniaviečča
U Šviecyi rybak vypadkova zrabiŭ važnaje archieałahičnaje adkryćcio. Mužčyna kapaŭ čarviakoŭ kala lecišča pad Stakholmam, kali natrapiŭ na iržavy harščok.
Rybak vykopvaŭ čarviakoŭ kala svajho letniaha domika pad Stakholmam, kali trapiŭ na ržavy mietaličny harščok, nabity srebram. Unutry akazalisia ŭpryhažeńni i tysiačy maniet. Ahulnaja vaha znachodki skłała kala šaści kiłahramaŭ, piša BILD.
Archieołahi vyznačyli, što maniety byli adčakanieny ŭ časy karala Knuta Eryksana, jaki kiravaŭ Šviecyjaj u druhoj pałovie XII stahodździa. Na ich možna raspaznać nadpis KANUTUS. Pavodle słovaŭ ekśpiertaŭ, skarb byŭ zakapany prykładna ŭ XII stahodździ, heta značyć zadoŭha da zasnavańnia samoha Stakholma, jaki źjaviŭsia tolki ŭ 1252 hodzie.
Pradstaŭnica stakholmskaj administracyi Safija Andersan zajaviła, što «heta, vierahodna, adzin z najbujniejšych srebnych skarbaŭ Siaredniaviečča, kali-niebudź znojdzienych u Šviecyi».
Pavodle jaje słoŭ, u haršku było kala 20 tysiač maniet, a taksama redkija «biskupskija» maniety, adčakanienyja carkoŭnikami.
Ciapier skarb u śpiecyjalistaŭ, jakija zajmajucca jaho ačystkaj i katałahizacyjaj. Ułady vyrašajuć, u jaki muziej možna pieradać znachodku, a čałavieku, jakija jaje znajšoŭ, vypłaciać kampiensacyju.
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno16
Kamientary