Minčuk vyklikaŭ čałavieku na vulicy chutkuju, ale potym sam staŭ fihurantam kryminalnaj spravy
Na haradskuju stancyju chutkaj miedyčnaj dapamohi źviarnuŭsia mužčyna, jaki raskazaŭ, što na chodnikach na vulicy znajšoŭ mužčynu z nažavymi ranieńniami.
Paciarpiełaha dastavili ŭ haradskuju kliničnuju balnicu, dzie jamu była akazana nieabchodnaja dapamoha, jaho žyćciu i zdaroŭju ničoha nie pahražaje.
Vyśvietliłasia, što paciarpieły niezadoŭha da hetaha ŭ padsobcy stancyi techničnaha absłuhoŭvańnia, dzie pracuje ślesaram, vypivaŭ.
Śpiecyjalistam Dziaržkamiteta sudovych ekśpiertyz pry apracoŭcy daktyłaskapičnym paraškom šklanak na stale, byli vyjaŭleny ślady ruk. Jany naležali 45‑hadovamu minčuku — tamu samamu, jaki znajšoŭ paciarpiełaha i źviarnuŭsia ŭ balnicu chutkaj dapamohi, paviedamlaje Dziaržkamitet sudovych ekśpiertyz.
Mužčyna nie staŭ admaŭlać i raspavioŭ, što ŭ vyniku kanfliktu nanios svajmu naparniku niekalki ŭdaraŭ nažom. Asensavaŭšy, što narabiŭ, vybieh na vulicu pa dapamohu.
Zaviedzienaja kryminalnaja sprava pavodle artykułu «Pahroza zabojstvam».
Ciapier čytajuć
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno14
Kamientary