Pasolstva Respubliki Biełaruś u Słavackaj Respublicy płanujecca adkryć da 1 vieraśnia 2026 hoda. Adpaviednuju pastanovu padpisaŭ premjer-ministr Alaksandr Turčyn.
«Adnaŭleńnie pastajannaj dypłamatyčnaj prysutnaści Biełarusi ŭ Słavakii daść mahčymaść značna pavysić efiektyŭnaść pracy pa raźvićci palityčnych, handlova-ekanamičnych i inviestycyjnych suviaziaŭ, praktyčnym vyvučeńni mahčymaściaŭ pramysłovaj kaapieracyi i sumiesnym asvajeńni novych rynkaŭ», — spadziajucca va ŭradzie.
Dypłamatyčnaje pradstaŭnictva Biełarusi ŭ Słavakii było zakryta ŭ vieraśni 2023 hoda, kali ŭ hetaj krainie była ŭłada, krytyčna nastrojenaja da režymu Łukašenki. Ale 1 kastryčnika 2023 hoda na parłamienckich vybarach u Słavakii pieramahła papulisckaja partyja pad kiraŭnictvam Robierta Fica, jaki simpatyzuje jak Kramlu, tak i Łukašenku.
Raniej u Biełaruś paśla amal piacihadovaha pierapynku viarnuŭsia pasoł Słavakii, jakim staŭ Jozef Mihaš — jon raniej užo zajmaŭ hetuju pasadu, ale byŭ ź jaje źniaty za adkrytyja prajavy asabistych simpatyj da biełaruskich uładaŭ, što išło ŭrazrez z tahačasnaj dziaržaŭnaj palitykaj.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3737
Kamientary