U Varšavie zatrymali byłoha palitviaźnia Ihara Bancara — heta jon pryjšoŭ u Ministerstva siamji sa zbrojaj
Biełarus, jakoha 16 lipienia zatrymali ŭ Varšavie sa zbrojaj, — viadomy haradzienski muzykant Ihar Bancar, pra heta Most raspaviali jaho siabry. Jany sprabujuć vyśvietlić los mužčyny i šukajuć advakata.
Telefon Ihara niedastupny, apošniaja jaho aktyŭnaść u sacsietkach była sutki tamu.
Ciapier Bancar znachodzicca ŭ palicyi. Pres-sakratar adździaleńnia Varšaŭskaha adździaleńnia palicyi KRP-I Jakub Pacyniak paviedamiŭ, što 17 lipienia materyjały spravy buduć pieradadzienyja ŭ prakuraturu.
Nahadajem, što 16 lipienia z budynka Ministerstva siamji, pracy i sacyjalnaj palityki ŭ Varšavie evakujavali 150 čałaviek, a prylehłuju vulicu ačapiła palicyja. Pryčynaj staŭ biełaruski naviednik, u sumcy jakoha vyjavili niebiaśpiečnyja pradmiety — haz, nož, teleskapičnuju dubinku i, vierahodna, šumavuju zbroju.
Paviedamlałasia ŭčora, što mužčyna pavodziŭ siabie spakojna i nikomu nie pahražaŭ. Adnak, ahledzieŭšy sumku, achova budynka pryniała rašeńnie vyklikać palicyju. Taksama na miesca incydentu prybyła pažarnaja słužba. Mužčynu adviali aficery, u budynku Ministerstva pracavali śpiecyjalnyja słužby.
Ihar časta nasiŭ z saboj zbroju, ličačy, što jana moža spatrebicca jamu ŭ metach samaabarony. Raniej jaho ŭžo zatrymlivali ŭ Polščy.
Muzyka i były palitviazień Ihar Bancar — adna ź lehiendaŭ Hrodna. U vieraśni 2020 hoda mužčyna ździejśniŭ pierformans — stancavaŭ biez štanoŭ pierad milicejskaj mašynaj, za što atrymaŭ paźniej paŭtara hoda chimii. Padčas źniavoleńnia Bancar trymaŭ praciahłyja haładoŭki, 40 dzion prasiadzieŭ u ŠIZA i prajšoŭ praź psichijatryčnuju ekśpiertyzu ŭ Navinkach.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ124
Kamientary
a što atrymaŭ toj mient, što razhulvaŭ biez šortaŭ na małoj radzimie?