Biez elektryčnaści zastajecca 851 nasieleny punkt Homielskaj vobłaści. U Mazyry niama śviatła, vady, nie pracujuć pradpryjemstvy
Na likvidacyju nastupstvaŭ urahanu ŭ paŭdniovy rehijon nakiravany bryhady z usioj krainy.
14 lipienia mahutny ŭrahan prakaciŭsia pa Homielskaj vobłaści. Mocny viecier pavaliŭ vialikuju kolkaść dreŭ, paškodziŭ damy i linii elektrapieradač.
Da hetaha času bieź śviatła zastajecca 851 nasieleny punkt. Najbolš składanaja situacyja skłałasia ŭ Mazyrskim, Rečyckim, Homielskim rajonach, paviedamlaje Minenierha.
Mazyr da hetaha času zastajecca bieź śviatła i vady, piša «Fłahštok». Vierahodnaja pryčyna — razbureńnie apory vysakavoltnaj linii 330kV.
Napiaredadni viečaram žychary razabrali ŭsiu pitnuju vadu na zapraŭkach. Miascovyja ŭłady vydzielili na horad z nasielnictvam u 105 tysiač čałaviek dźvie 10-tonnyja aŭtacysterny.
Pa stanie na ranicu paniadziełka ŭ Mazyry nie pracujuć pradpryjemstvy. Reanimacyjnyja adździaleńni ŭ miedustanovach siłkujucca ad reziervovych hienierataraŭ. Rabotnikaŭ pradpryjemstvaŭ pryciahvajuć da likvidacyi nastupstvaŭ niepahadzi.
U susiednich Kalinkavičach ułady rekamiendavali žycharam zapasicca pitnoj vadoj.
Dla likvidacyi nastupstvaŭ urahanu ŭ Homielskuju vobłaść nakiravany avaryjnyja bryhady ź inšych rehijonaŭ krainy.
Pavodle źviestak MNS, u vyniku ŭrahanu ŭ Biełarusi paciarpieli 268 nasielenych punktaŭ (Bresckaja vobłaść — 12, Homielskaja — 249 i Mahiloŭskaja — 7).
Paškodžany dachi 586 žyłych damoŭ, 7 abjektaŭ sackultbytu i 146 sielskahaspadarčych budynkaŭ.
Zafiksavany 819 vypadkaŭ padzieńnia dreŭ u Bresckaj (23), Homielskaj (404), Minskaj (8) i Mahiloŭskaj (384) abłaściach i ŭ h. Minsku (11). Drevami, jakija ŭpali, paškodžany 55 aŭtamabilaŭ u Homielskaj (46), Minskaj (1) i Mahiloŭskaj (8) abłaściach.
U vyniku paryvaŭ vietru ad pavalenych dreŭ i elemientaŭ dachaŭ zahinuli čatyry čałavieki (ź ich dvoje dziaciej), traŭmiravany piać čałaviek — u tym liku čaćviora dziaciej.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary