U miastečku Haradok na Biełastoččynie siońnia pačaŭsia fiestyval Tutaka
Ciaham troch dzion — 12-14 lipienia — tut buduć prachodzić kancerty biełaruskich vykanaŭcaŭ, a taksama pracavać kirmaš, adukacyjna-zabaŭlalnaja placoŭka, fud-kort.
Aktualnaja prahrama fiestyvalu dastupnaja pa spasyłcy.
Tut — mapa, kab lahčej było dabracca. Ź Biełastoka ŭ Haradok chodziać rehularnyja aŭtobusy. Taksama dajechać možna ciahnikom — infarmacyja tut.
Fota: Radyjo «Racyja»
Fiestyval abudžanych Tutaka adbudziecca ŭžo čaćviorty raz. Hetaje mierapryjemstva roznabakovaje:
- usiebiełaruski piknik — siudy možna pryjechać z namiotam i karystacca navakolnym lesam abo vozieram ź plažam niepadalok;
- siamiejny adpačynak — majstar-kłasy, čytańni, hulni, zaniatki dla ŭsioj siamji;
- spartovy łahier — unikalnaja mahčymaść pravieści aktyŭna čas i paznajomicca z našymi spartoŭcami;
- biznes-kanfierencyja — dyskusija pra prablemy i mahčymaści rełakavanych biełaruskich biznesoŭcaŭ i tych, chto choča zaniacca svajoj spravaj u Jeŭropie;
- kirmaš — biełaruskija suvieniry i mierč ad lubimych i viadomych majstroŭ;
- vystava biełaruskich inicyjatyŭ;
- volnyja placoŭki dla tych, chto žadaje pakazać siabie.
Ciapier čytajuć
«Častku svajakoŭ ja adsiejała». Hamialčanka, jakaja žyvie ŭ Adesie, raspaviała pra adaptacyju da abstrełaŭ, ukrainskuju movu i svoj błoh2
Kamientary