ZŠA i sajuźniki pa NATA pastaviać Ukrainie piać dadatkovych sistem SPA.
Na pačatku pracy samitu aljansu lidary niekalkich krain-sajuźnic zrabili sumiesnuju zajavu ab vydzialeńni zbroi i techniki dla abarony Ukrainy ad rasijskich udaraŭ z pavietra, piša «Hołas Amieryki».
Mietadyčnyja ŭdary Rasii pa krytyčna važnych abjektach Ukrainy i, asabliva, jaje apošni žorstki napad na hramadzianskija abjekty, u tym liku dziciačuju balnicu, vyklikali nieadkładnuju reakcyju siarod lidaraŭ krain-členaŭ Paŭnočnaatłantyčnaha aljansu.
U pieršy dzień pracy samitu NATA z sumiesnaj zajavaj ab pradastaŭleńni dadatkovych sistem SPA Ukrainie vystupili prezident ZŠA Džo Bajden, premjer-ministr Niderłandaŭ Dzik Šuf, kancler Hiermanii Ołaf Šolc, premjer-ministr Italii Džordža Miełoni, prezident Rumynii Kłaŭs Jochanis.
«Siońnia my abjaŭlajem, — havorycca ŭ zajavie, — što kalektyŭna damo Ukrainie dadatkovyja stratehičnyja sistemy supraćpavietranaj abarony, u tym liku dadatkovyja batarei Patriot, padoranyja Złučanymi Štatami, Hiermanijaj i Rumynijaj, kampanienty dla Patriot, padoranyja Niderłandami i inšymi partniorami dla zabieśpiačeńnia ekspłuatacyi sistemy; dadatkovuju batareju Patriot i dadatkovuju sistemu SAMP-T, padoranuju Italijaj. Hetyja piać stratehičnych sistem SPA dapamohuć abaranić ukrainskija harady, mirnaje nasielnictva i vajskoŭcaŭ».
Akramia taho ŭ bližejšyja miesiacy ZŠA i partniory majuć namier dać Ukrainie dziasiatki taktyčnych sistem SPA, u tym liku sistemy NASAMS, HAWK, IRIS T-SLM, IRIS T-SLS i Gepard.
Pry hetym niekalki sajuźnikaŭ, uklučajučy Kanadu, Narviehiju, Ispaniju i Vialikabrytaniju, pradoŭžać pastaŭki takich ža sistem, a mnohija inšyja prychilniki Ukrainy buduć dapamahać u pradastaŭleńni pierachopnikaŭ SPA.
U siaredzinie traŭnia prezident Ukrainy Uładzimir Zialenski ŭ intervju AFP zajaviŭ, što ŭ krainy jość tolki čverć nieabchodnych joj srodkaŭ SPA.
Ciapier čytajuć
Nad šerym kardynałam Nacbanka zhuścilisia chmary? Zatrymali jaho siabra, byłoha vykanaŭčaha dyrektara Banka raźvićcia2
Kamientary