Hiendyrektar «Biełaruśkalija» znajšoŭ biasprojhryšny sposab spadabacca Łukašenku
Kiraŭnik najbujniejšaha hornazdabyvajučaha pradpryjemstva krainy za styrnom kambajna pryniaŭ udzieł va ŭboračnaj kampanii, na čas jakoj pajšoŭ u vodpusk.
Staršynia Salihorskaha rajvykankama Anatol Ładyha ŭručyŭ hiendyrektaru «Biełaruśkalija» Ivanu Hałavatamu hramatu za dobrasumlennuju pracu padčas uboračnaj kampanii, piša «Sputnik».
Jak raskazali na pradpryjemstvie, hienieralny dyrektar Biełaruśkalija Ivan Hałavaty i namieśnik hienieralnaha dyrektara Siarhiej Pratasienia ź pieršych dzion žniva — u AAT «Vyrašalny» chołdynha «Biełaruśkalij-Ahra».
«Dziełavyja kaściumy źmianili na rabočuju vopratku, pasady — na kambajniera i jaho pamočnika», — raskazali na pradpryjemstvie.
U pres-słužbie «Biełaruśkalija» ŭdakładnili, što hienieralny dyrektar pracavaŭ na kambajnie padčas svajho vodpusku. Ekipaž Ivana Hałavataha maje ŭ svaim zaliku tysiaču ton zbožža novaha ŭradžaju.
Ivan Hałavaty adznačyŭ, što apošnija try hady hruntoŭna rychtavaŭsia da raboty na ŭborcy ŭradžaju. Spačatku asvoiŭ traktar, a potym atrymaŭ pravy na kiravańnie kambajnam.
«Siońnia jak paŭnacenny ekipaž pracujem u poli. Heta pačućcio radaści i honaru za rodnuju ziamlu, kali bačyš vynik, zakładzieny šmattysiačnym kalektyvam chlebarobaŭ», — prakamientavaŭ jon svaju rabotu.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary10
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary