Biełarusy źbirajuć podpisy, kab brytancy dazvolili vydać «Hary Potera»
Na sajcie Change.org źjaviłasia pietycyja z zaklikam da ahiencyi Blair Partnership, jakaja vałodaje pravami na sieryju knih Džaan Roŭlinh pra Hary Potera, pierahledzieć svaju admovu vydaviectvu «Januškievič» praciahvać vydavać knihi sieryi.
Raniej u biełaruskim niezaležnym vydaviectvie vyjšła try pieršyja knihi sieryi. Ale niadaŭna ŭ sacsietkach vydaviectva źjaviŭsia dopis, dzie siarod inšaha tłumačyłasia situacyja z vydańniem čaćviertaj častki: «Hary Potera nie budzie. My nie znajšli ŭzajemaparazumieńnia z pravaŭładalnikami. Jany nie chočuć źviazvacca ni z čym biełaruskim, pakul Respublika Biełaruś pad sankcyjami».
Paśla hetaj infarmacyi ŭ aŭtaraŭ pietycyi źjaviłasia ideja sabrać podpisy pad zvarotam da pravaŭładalnikaŭ ad patencyjnych čytačoŭ, tych, chto čakaje nastupnyja knihi sieryi i ad prosta nieabyjakavych biełarusaŭ, paviedamlaje bellit.info.
Zaklik da ahiencyi pierahledzieć rašeńnie aŭtary pietycyi padmacoŭvajuć šeraham arhumientaŭ vykładzienych u čatyroch punktach. Siarod inšaha tłumačycca situacyja z zakryćciom vydaviectva «Januškievič» u Biełarusi, pieraśled vydaŭca, situacyja ź biełaruskaj movaj i padkreślivajecca važnaść mahčymaści čytać dzieciam Hary Potera na ich rodnaj movie.
Aznajomicca z poŭnym tekstam pietycyi i padpisać jaje možna tut.
Pa stanie na 13:50 sabrana 1278 podpisaŭ.
Brytancy nie dazvolili vydać «Hary Potera» pa-biełarusku
«Ludzi chočuć litaratury pra siabie, i vielmi važna, kab piśmieńniki na heta reahavali». Vydaviec Januškievič raskazaŭ pra pośpiechi i prablemy svajho biznesu
Kinh zanadta lubić svaich hierojaŭ, kab štości skaračać
Vydaviectva «Januškievič» atrymała pravy na vydańnie čatyroch najvažniejšych zbornikaŭ Chorchie Łuisa Borchiesa
Ci vyjduć apošnija detektyvy Roŭlinh i Nieśbio pa-biełarusku?
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1616
Kamientary