Parazumiecca z pravaŭładalnikami sieryi knih Džaan Roŭlinh pra Hary Potera nie ŭdałosia, praz toje, što Biełaruś znachodzicca pad mižnarodnymi sankcyjami, piša Bellit.info
«Hary Potera nie budzie. My nie znajšli ŭzajemaparazumieńnia z pravaŭładalnikami. Jany nie chočuć źviazvacca ni z čym biełaruskim, pakul Biełaruś pad sankcyjami. Usie našy tłumačeńni, što my zaraz pad polskaj jurysdykcyjaj, nie dali vyniku, my zrabili što mahli. My aceńvajem toje, što adbyłosia, jak akt dyskryminacyi nacyjanalnaj kultury. I heta adbyvajecca ŭ Jeŭropie… — tłumačać u vydaviectvie «Januškievič»,
— Ličym, što našym palitykam i kulturnym dypłamatam i nie tolki jość dzie razharnucca. Heta važnaja, nadzionnaja i kankretnaja prablema. A kankretnaj prablemie patrebna kankretnaje rašeńnie».
Siarod pośpiechaŭ nazyvajecca adkryćcio nanoŭ kniharni «Knihaŭka», źjaŭleńnie knih vydaviectva ŭ prodažy na Amazon, vydańnie za 6 miesiacaŭ dziesiaci novych knih. Ale niahledziačy na pazityŭnyja vyniki vydaviectva sutykajecca ź niedachopam dadatkovych inviestycyj.
«My ŭpierlisia ŭ stol i sutyknulisia z prablemaj rostu. Abjomy prodažaŭ nie takija vialikija, kab pa-narmalnamu, užo zaraz, zaniacca pašyreńniem asartymientu. 10 vydańniaŭ za paŭhoda — heta mała».
Jak adzin z varyjantaŭ rašeńniaŭ vydaviectva «Januškievič» adkryvaje zbor srodkaŭ na polskaj kraŭd-płatformie Zrzutka.pl i na Patreon. Kožny, navat nievialiki ŭniosak budzie nabližać čas źjaŭleńnia novych knih. A pra płany vydaviectva možna daznacca pa spasyłkach na płatformy.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary