U Minsku maładoha lejtenanta sudziać za «raspusnyja dziejańni» ŭ adnosinach da padletka
Raskazvajem, što takoje «raspusnyja dziejańni» i jakaja adkaznaść praduhledžanaja za ich.
Chłopca, jakoha sudziać, zvać Jahor Bryčkoŭski. Jamu 23 hady, rodam jon z Baranavičaŭ. Viadoma, što raniej jon zajmaŭsia samba i navat byŭ u nacyjanalnaj zbornaj Biełarusi.
Paśla skančeńnia ŭniviersiteta pajšoŭ pracavać učastkovym inśpiektaram pa spravach niepaŭnaletnich, mieŭ zvańnie lejtenanta. Miesca pracy — aporny punkt milicyi № 310 u Minsku na Paŭdniovym Zachadzie. Ale karjera nie zadałasia.
Mužčynu pačynajuć sudzić 28 červienia ŭ zakrytym režymie. Artykuły nieadnaznačnyja — «raspusnyja dziejańni ŭ adnosinach da asoby, jakaja nie dasiahnuła 16 hadoŭ, ździejśnienyja z užyvańniem hvałtu, abo ŭ dačynieńni da małaletniaha, abo asobaj, na jakuju ŭskładzienyja abaviazki pa hadavańni niepaŭnaletniaha» (č. 2 art. 169 KK) i «pieravyšeńnie ŭłady abo słužbovych paŭnamoctvaŭ, ździejśnienyja z asabistaj zacikaŭlenaści» (č. 2 art. 426 KK).
Što ž takoje «raspusnyja dziejańni»? Zhodna z kamientarom Viarchoŭnaha suda, heta «niehvałtoŭnaje ŭździejańnie na asobu, jakaja nie dasiahnuła šasnaccacihodździa, nakiravanaje na ŭzbudžeńnie ŭ jaho cikavaści da seksu, pałavoj ciahi».
Na praktycy heta moža być usio što zaŭhodna, akramia seksu. Naprykład, masturbacyja pry niepaŭnaletnim abo dakranańnie da jaho intymnych miescaŭ biez pałavoha kantakta, abo zanadta ahresiŭnaje zalacańnie z prapanovami seksu ŭ miesiendžarach ci sacsietkach.
Pavodziny padletka pry hetym nie ŭličvajucca. Majecca na ŭvazie, što kali padletak sam «pravakuje» na takija dziejańni ci prosta nie suprać, to darosły ŭsio roŭna budzie abvinavačany.
Tamu zusim niezrazumieła, što adbyłosia. U lubym vypadku milicyjanieru pahražaje ad 3 da 6 hadoŭ turmy sa štrafam i pazbaŭleńniem prava zajmacca peŭnaj dziejnaściu.
Hetaja publikacyja zroblenaja z dapamohaj Digital Intelligence Team. Heta OSINT-prajekt, jaki supracoŭničaje z Kibierpartyzanami i inšymi prademakratyčnymi strukturami dy prajektami, jakija padzialajuć demakratyčnyja kaštoŭnaści.
«Naša Niva» — bastyjon biełaruščyny
PADTRYMAĆCiapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary