Polski bank Santander dyskryminuje biełarusaŭ pa ŭłasnaj inicyjatyvie
Pavieł Łatuška atrymaŭ adkaz ad Kamisii finansavaha nahladu Polščy nakont niadaŭna ŭviedzienych abmiežavańniaŭ dla biełarusaŭ u banku Santander. Pavodle hetaha adkazu, hetyja abmiežavańni nie źjaŭlajucca vynikam instrukcyj, atrymanych bankam źvierchu.
Ź lista ad Kamisii finansavaha nahladu Polščy vynikaje, što dziejańni banka nie vyklikanyja patrabavańniami polskich uładaŭ ci jeŭrapiejskimi sankcyjami.
Rašeńni ab dadatkovych patrabavańniach z boku banka da klijentaŭ byli pryniatyja vyklučna samim bankam. Jak rastłumačyli ŭ Kamisii, takija rašeńni zaležać ad šmatlikich faktaraŭ, zasnavanych na pryncypach kiravańnia ryzykami.
Pry hetym Kamisija finansavaha nahladu Polščy infarmuje, što klijenty mohuć padać skarhu ŭ sam bank, atrymać kansultacyju ŭ finansavaha ambudsmiena ci rehijanalnych ambudsmienaŭ pa abaronie pravoŭ spažyŭcoŭ, a taksama ŭ niaŭradavych arhanizacyjach.
Upaŭnavažanyja pa abaronie pravoŭ spažyŭcoŭ arhanizacyi vystupajuć ad imia i ŭ intaresach spažyŭcoŭ, akazvajuć dapamohu ŭ daviadzieńni spraŭ da suda i ŭ ich viadzieńni.
Raniej biełarusy, jakija žyvuć u Polščy, pačali sutykacca z novym patrabavańniem z boku banka Santander: nieabchodnaściu najaŭnaści DNŽ u luboj krainie ES z terminam dziejańnia nie mienš jak 12 miesiacaŭ. Kali DNŽ niama, to bank błakuje mabilnuju prahramu i internet-bankinh.
Aktyvisty skłali pietycyju ŭ polski bank Santander z prośbaj nie dyskryminavać biełarusaŭ
Polski bank daŭ biełarusam dva tydni, kab prynieści DNŽ. Chto nie pryniasie, taho adklučać ad prahramy
Papularny polski bank uvioŭ jašče adno abmiežavańnie dla biełarusaŭ
Łatuška źviarnuŭsia ŭ Kamisiju finansavaha nahladu Polščy ŭ suviazi z bankam Santander
Papularny polski bank staŭ błakavać biełarusam dostup da anłajn-akaŭntaŭ. Što zdaryłasia?
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia21
Kamientary
akrom žartaŭ. chočaš źniać nievialikuju sumu hrošaŭ u jahonym rodnym bankamacie... kaža - nie - takuju maleńkuju sumu my nie vydajem. i pry hetym zdymaje štomiesiac paradku 5r. za toje, što maješ kartku ichniaha pryŭkrasnaha banku, kali na kartcy mienš za 500r.
Dziakuj za aśvietu kiejsa z Santander