Muž niekalki hadoŭ zdradžvaŭ žoncy i staranna vydalaŭ kampramat z ajfona. Ale makbuk usio zachavaŭ
Muž-zdradnik niekalki hadoŭ tajemna karystaŭsia pasłuhami prastytutak i byŭ upeŭnieny, što vydatna vyčyščaje pierapiski z ajfona. Ale nie ŭličyŭ sinchranizacyju pamiž pryładami Apple. Paśla vykryćcia z boku žonki mužčyna vyrašyŭ sudzicca z kampanijaj za razburany šlub.
Mužčyna pa imieni Ryčard (imia źmieniena) padaŭ u sud na kampaniju Apple za toje, što jaho žonka daviedałasia ab jaho šmatlikich zdradach praź siamiejny makbuk, jaki zachoŭvaŭ usie vydalenyja pierapiski mužčyny z prastytutkami na praciahu niekalkich hadoŭ, piša vydańnie The Times.
Pa słovach mužčyny, toj staranna vyčyščaŭ uvieś kampramat z ułasnaha ajfona, ale nie viedaŭ, što praź sinchranizacyju ŭsio zachoŭvałasia i na siamiejnym makbuku. Pry hetym Ryčard karystaŭsia adnym i tym ža ŭlikovym zapisam što na ajfonie, što na siamiejnym makbuku.
Pierapiski z prastytutkami vialisia praz iMessage. Kali žonka raptoŭna pabačyła ich na makbuku, to adrazu ž padała na razvod i adsudziła ŭ niaviernaha muža bolš za 6 miljonaŭ dalaraŭ. Mienavita hetyja hrošy ciapier Ryčard choča adsudzić u Apple «za nienadziejnaść pryład i razburany šlub».
Mužčyna ličyć, što «Apple pavinna papiaredžvać karystalnikaŭ, što navat kali paviedamleńni buduć vydalenyja z ajfonaŭ, to ich ŭsio roŭna možna pračytać na inšych pryładach Apple pad tym ža ŭlikovym zapisam».
Jon taksama vykazaŭ namier zładzić kalektyŭny isk suprać kampanii, bo choča pryciahnuć na svoj bok inšych ludziej, jakija apynulisia ŭ anałahičnaj situacyi.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty11
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary