Chrenin: Siońnia my dziejničajem na apiaredžańnie, pavialičvajučy hatoŭnaść da ŭžyvańnia tak zvanaj zbroi adpłaty
Uzbrojenyja Siły Biełarusi prymajuć udzieł u druhim etapie vučeńniaŭ ź niestratehičnymi jadziernymi siłami Uzbrojenych Sił Rasijskaj Fiederacyi. Ministr abarony Viktar Chrenin vystupiŭ z čarhovaju vajaŭničaju zajavaju z hetaj nahody.
Pavodle zajavy Chrenina, «kiraŭnictva zachodnich krain viadzie bieskampramisnuju ahresiŭnuju palityku ŭ halinie vajskovaj dziejnaści», što «ŭzmacniaje hradus napružanaści ŭ rehijonie».
«Paśla niaŭdałych sprobaŭ uciahnuć nas u epidemiju kalarovych revalucyj, zadušyć ekanamičnymi sankcyjami, niekatoryja asabliva haračyja hałovy na Zachadzie vynošvajuć płany prymianieńnia vajennaj siły suprać našaj dziaržavy», — zajaviŭ Chrenin.
Pavodle ministra abarony, «pradstaŭniki niekatorych krain robiać zajavy ab dazvole naniasieńnia ŭdaraŭ ich zbrojaj, jakaja pieradadziena Ukrainie, pa terytoryi Rasijskaj Fiederacyi», a kiraŭnik MZS Litvy «faktyčna zaklikaŭ da naniasieńnia ŭdaraŭ pa vajennych abjektach Rasijskaj Fiederacyi, jakija znachodziacca na terytoryi našaj krainy».
«My adsočvajem i analizujem usie hetyja ahresiŭnyja vypady, paśladoŭna ŭmacoŭvajem svoj abarončy patencyjał. I naš udzieł u druhim etapie vučeńnia Uzbrojenych Sił Rasijskaj Fiederacyi pa ŭžyvańni niestratehičnaj jadziernaj zbroi tamu paćvierdžańnie», — zajaviŭ Chrenin.
Pavodle jaho słoŭ, Biełaruś hatovaja ŭžyć taktyčnuju jadziernuju zbroju.
«Siońnia my dziejničajem na apiaredžańnie, płanava pavialičvajučy hatoŭnaść da ŭžyvańnia tak zvanaj zbroi adpłaty. Jak nikoli raniej, my poŭnyja rašučaści da reahavańnia na lubyja pahrozy, jakija stvarajucca jak dla našaj krainy, tak i Sajuznaj dziaržavy», — skazaŭ jon.
Da hetaha jon dadaŭ, što Biełaruś — mirnaja dziaržava, jakaja nikomu nie pahražaje.
Sustreču Ryžankova ź Sikorskim paprasiŭ Minsk. Što kamanda Cichanoŭskaj abmiarkoŭvała z palakami da i paśla jaje11
Kamientary