Abviaščeńnie daterminovych vybaraŭ — vialiki siurpryz dla krainy i vializnaja ryzyka dla prezidenta Emanuela Makrona, piša Chju Skofiłd, karespandent Bi-bi-si ŭ Paryžy.
Makron moh adreahavać inakš, moh prosta praciahvać svoj raniejšy kurs, tłumačačy vielizarnuju pieramohu ŭltrapravych jak jeŭrapiejskuju abieracyju, jakuju na bolš važnych vybarach vypraviać. Jon moh raźličvać, što budučyja čempijanat Jeŭropy pa futbole i Paryžskaja alimpijada na paru miesiacaŭ adciahnuć ludziej ad palityki.
Paryžskija kamientatary mienavita takoj reakcyi ad jaho i čakali.
Možna zdahadacca, što prezident razumieŭ, da čaho ŭsio idzie, i zahadzia spłanavaŭ svaju reakcyju. Va ŭsiakim vypadku, ekzit-poły amal całkam supadajuć z vynikami apytańniaŭ da vybaraŭ, tak što ŭ Makrona było dastatkova času, kab uzvažyć usie varyjanty.
Važna razumieć, što jon i tak zajšoŭ u tupik. Bolšaści ŭ Nacyjanalnym schodzie ŭ jaho nie było, tamu luby zakon prachodziŭ sa skrypam. A ciapier, kali jasna, što bolšaść vybarščykaŭ vidavočna suprać prezidenta, luby zakonaprajekt, vychodny ad jaho, navat nastupny biudžet, moh apynucca vybuchaniebiaśpiečnym.
Tamu Makron vyrašyŭ unieści «jasnaść». Kali za vielmi pravych hałasuje dastatkova ludziej, to tady, jak jon kaža, im treba dać šaniec kiravać krainaj.
Vidavočna, prezident budzie spadziavacca, što jahonaja partyja «Adradžeńnie» zmoža ŭziać revanš na vybarach 30 červienia i 7 lipienia. Abo što inšyja partyi vystupiać lepš. Ale jon nie moža nie razumieć, što pakul u «Nacyjanalnaha abjadnańnia» jość šancy pieramahčy znoŭ — moža nie z takim razhromnym likam, ale dastatkova ŭpeŭniena, kab stać najbujniejšaj partyjaj u Nacyjanalnym Schodzie.
I tady ŭ Francyi moža zjavicca premjer-ministr Lo Pen. Albo Bardeła.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary13
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary
1 Farmulujem kancepcyju hramadzkich dabrotaŭ (nat ŭ škole joj fučym). Pavodle hetaje chibnaje kancepcyi, heta takija dabroty, spažyvańnie jakich adnoj asobaj niemahčyma kantralavać i adździalić ad spažyvańnia inšyj asobaj
2 Abviaščajem televizyju i radyjo takoj hramadzkaj dabrotaj (vitanki, padpiski na jutuby, amazony prajmy i netfliksy)
3 Pabirajem taryfnuju apłatu z ŭsich, chto maje pryładu, zdatnuju prymać tele-radyjosyhnał (napr, telefon)