Stała viadoma pra asobu zastrelenaha na biełaruska-litoŭskaj miažy kantrabandysta
Kamandujučy Słužbaj achovy dziaržmiažy Litvy (VSAT) Rustam Lubajeŭ raspavioŭ, što zastreleny mužčyna — vilenčuk 1980 h. n. z bahatym kryminalnym minułym.
«Heta žychar horada Vilni, jaki maje ŭražalnaje kryminalnaje minułaje. Jon nieadnarazova sudzimy za roznyja złačynstvy, u tym liku za parušeńnie dziaržaŭnaj miažy i zachoŭvańnie akcyznych tavaraŭ», — cytuje Lubajeva Delfi.
Pavodle Słužby achovy dziaržaŭnaj miažy, u subotu kala 21:00 pamiežniki pravodzili apieracyju pa pošuku kantrabandystaŭ u navakollach vioski Paŭdryjonis Šalčyninskaha rajona niedaloka ad miažy ź Biełaruśsiu. Na darozie jany zaŭvažyli aŭtamabil VW Passat. Kali litoŭskija pamiežniki pasprabavali spynić kiroŭcu, toj dadaŭ chutkaść i pasprabavaŭ źbić supracoŭnika Dziaržaŭnaj pamiežnaj słužby.
Padčas pahoni adziny streł supracoŭnika akazaŭsia śmiarotnym. Paśla spynieńnia aŭtamabila na siadzieńni kiroŭcy byŭ znojdzieny śmiarotna paranieny mužčyna.
Kamientary
Dziakuj, milicyja, ja drych pjany z kachankaj-adnadzienkaj, a vy moj spakoj źbierahli ad hetaha roznazłačynnaha pierachodnika dziarž miažy, kryminalnaha zachoŭvalnika padakcyznych tavaraŭ.
Pajdu plašačku harełački adkarkuju. Zachoŭvaju ŭ ladoŭcy. Śpiarša akcyz abryvaju z butelki, dalej korak adkruču (nie da kanca adryvaju, kab pryrodu nie zaśmiejić korkam, a recyklinhavać)
Nia tolki jak dziarž miažu pierachodziŭ, ale i narohu pad čyrvony śvietlafor! Ŭzŭŭŭ, bahaciej kryminalnaminuły! Ŭŭŭŭŭŭ niedarma ciabie!!!