U kampanii zajaŭlajuć, što nijakich strataŭ spažyŭcam i dziaržavie naniesiena nie było.
Kampanija A1 była aštrafavanaja za zavyšanyja ceny na pasłuhi mabilnaj suviazi. Niapravilnyja taryfy byli vyjaŭlenyja ŭ vyniku pravierki Ministerstvam antymanapolnaha rehulavańnia i handlu.
U kampanii vypuścili zajavu z nahody štrafu. U A1 zajavili, što taryfy, za jakija kampaniju pakarali, byli zaćvierdžanyja samim MARH.
«Adnosna zajavy MARH kampanija A1 paviedamlaje: usie taryfy kampanii majuć adpaviednyja kalkulacyi i pry ich zaćviardžeńni prachodziać pracedury ŭzhadnieńnia z MARH.
Zaŭvahi kantrolnych orhanaŭ tyčylisia vyklučna pytańniaŭ techničnaha afarmleńnia, što nijakim čynam nie ŭpłyvała ni na praces farmiravańnia taryfu, ni na vieličyniu taryfu», — havorycca ŭ zajavie.
Pres-słužba kampanii adznačaje, što ŭsie parušeńni byli likvidavanyja adrazu paśla ich vyjaŭleńnia. Akramia taho, u chodzie pravierki było ŭstanoŭlena, što dziejańni kampanii nie prynieśli škody ni klijentam, ni dziaržavie.
Nahadajem, pa rašeńni Ekanamičnaha suda Minska kampanija pavinna vypłacić štraf u pamiery «5% ad koštu realizavanych pasłuh». Kankretnaja suma pry hetym nie nazyvajecca.
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»28
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami3030
Kamientary