Pieršaja rakietka śvietu Novak Džokavič atrymaŭ udar butelkaj pa hałavie na turniry ŭ Rymie
Butelka ŭpała, kali Novak davaŭ aŭtohrafy. Incydent adbyŭsia paśla taho, jak Džokavič abyhraŭ francuza Karentena Mute i vyjšaŭ u treci raŭnd.
Butelka ŭpała na tenisista, kali jon pakidaŭ kort u kancy matču.
«Jon (Džokavič) atrymaŭ adpaviednaje lačeńnie i ŭžo viarnuŭsia ŭ svoj hatel; jaho stan nie vyklikaje turbotaŭ», — havorycca ŭ aficyjnym paviedamleńni.
Na videa bačna, jak na spartsmiena padaje butelka padčas taho, jak jon daje aŭtohraf zaŭziataru. Paśla ŭdaru Džokavič zakryvaje hałavu i padaje na kaleni, praź niekatory čas jaho advodziać sa stadyjona.
Jak paźniej vyśvietliłasia, na tenisista ŭpała aluminijevaja butelka z vadoj. Jana vypała ź dziciačaha zaplečnika, kali dzicia pierahnułasia praz parenčy, kab atrymać aŭtohraf.
Spartoviec nie pravioŭ pres-kanfierencyju paśla matču.
Ciapier čytajuć
Eks-palitviazień adkryŭ zbor na siabie — inšyja palitviaźni aburanyja i kažuć, što jon stukač i machlar1
Kamientary