Navuka i technałohii66

NASA ŭpieršyniu pakazała, što moža ŭbačyć čałaviek pry padzieńni ŭ zvyšmasiŭnuju čornuju dzirku VIDEA

Dla vizualizacyi padzieńnia była ŭziataja taja čornaja dzirka, jakaja znachodzicca ŭ samym centry našaj hałaktyki. Aproč hetaha, ahienctva NASA ŭjaviła, jak by vyhladaŭ i praces mahčymaha vyzvaleńnia z-pad upłyvu hetaha kaśmičnaha monstra.

Vizualizavanaja čornaja dzirka ŭ centry hałaktyki Mlečny šlach. Krynica: kaśmičnaje ahienctva NASA

Kaśmičnaje ahienctva NASA ŭpieršyniu zmadelavała scenar volnaha padzieńnia čałavieka ŭ čornuju dzirku ź vidam ad pieršaj asoby.

Novaje videa pakazvaje, što moža ŭbačyć čałaviek padčas pracesu «spahiecifikacyi», pralatajučy praz akrecyjny dysk, fatonnyja kolcy i haryzont padziej čornaj dzirki amal sa śvietłavoj chutkaściu.

U jakaści ŭzoru była ŭziataja zvyšmasiŭnaja čornaja dzirka Stralec A* z masaj u 4,3 miljonaŭ mas Sonca, jakaja znachodzicca ŭ centry našaj hałaktyki Mlečny šlach i jakuju ŭpieršyniu atrymałasia źniać na kamieru kaśmičnaha teleskopa tolki ŭ 2022 hodzie.

Vizualizacyjaj padzieńnia zajmaŭsia supierkampjutar NASA Discover, jakomu spatrebiłasia na hienieracyju 5 dzion i 10 terabajtaŭ danych. Videa pačynajecca na adlehłaści 640 miljonaŭ kiłamietraŭ ad čornaj dzirki i za amal chvilinu achoplivaje padarožža, jakoje ŭ režymie realnaha času pry kalaśvietłavoj chutkaści zojmie kala troch hadzin (u videa taksama jość pakadravyja tłumačeńni taho, što adbyvajecca, na anhlijskaj movie).

U dadatak da hetaha navukoŭcy NASA prademanstravali i druhi scenar, u jakim čałaviek umudrajecca vyžyć pry kantakcie z čornaj dzirkaj i nie ŭpaści tudy, zrabiŭšy dva poŭnyja abaroty pa jaje arbicie i zatym palacieŭšy ad jaje preč.

Pa padlikach daśledčykaŭ, taki nievierahodny manieŭr amaładziŭ by kasmanaŭta na 36 chvilin z-za časovych anamalij kala čornaj dzirki.

Akramia hetaha, na jutub-kanale NASA źjavilisia i 360-hradusnyja viersii vyšejzhadanych videa. Dla bolšaha efiektu pry ich prahladzie lepš skarystacca akularami virtualnaj realnaści.

Čornaja dzirka — heta vobłaść prastory-času, siła hravitacyi ŭ jakoj nastolki vialikaja, što pakinuć jaje nie mohuć nijakija abjekty abo chvali, u tym liku śviatło.

Niahledziačy na nazvu, čornaja dzirka na samaj spravie nie pustaja ŭsiaredzinie. Naadvarot, jana zapoŭnienaja vielizarnaj masaj materyi, ścisnutaj u nievialikim abjomie, što stvaraje vialikuju siłu pryciahnieńnia.

Vakoł čornaj dzirki raźmiaščajecca vobłaść, zvanaja haryzontam padziej. Heta ŭjaŭnaja miaža ŭ prastory, «punkt niezvarotu», paśla pierasiačeńnia jakoha vyrvacca z hravitacyjnaj pastki ŭžo niemahčyma.

Kamientary6

  • Acab
    10.05.2024
    Kolki, cikava, kaštujuć takija nienavukova-kazačnyja varyjacyi padatkapłacielnikam?
    • čornaja dzirka
      10.05.2024
      pytańnie
      pastaŭlena niapravilna 👽 kolki $$$ majuć ### za hetyja malunki šyzafrenika? i što za 💉💊 svaje malunki maje šyzafrenik?

  • Machatma
    10.05.2024
    Oni poviesili kamieru na biełorusa?

Ciapier čytajuć

«Tufli — 400 rubloŭ». Vypuskniki dzielacca, u kolki abyšlisia ich vobrazy8

«Tufli — 400 rubloŭ». Vypuskniki dzielacca, u kolki abyšlisia ich vobrazy

Usie naviny →
Usie naviny

Tehieran haryć. Izrailskija źniščalniki praciahvajuć udary, pakul SPA Irana biaśsilnaja23

Pčoły zachapili viełasipied minčuka, pakul jon byŭ u kramie FOTAFAKT5

Hihin ahučyŭ svaju viersiju nacyjanalnaj idei61

Biełaruski treš-strymier Mellstroy arandavaŭ raskošny dom u Kipry za $500 tysiač na hod5

«Mianie mama zabje». Moładź vylecieła ŭ kiuviet na chutkaści 160 kiłamietraŭ u hadzinu VIDEA12

Indyjski miljarder pamior paśla taho, jak prahłynuŭ pčału padčas hulni ŭ poła2

Detali apieracyi «Masada»: Izrail niekalki miesiacaŭ tajemna pryvoziŭ zapčastki dla dronaŭ i bojeprypasy ŭ Iran1

Izrail udaryŭ pa Tehieranie. Atakavana taksama štab-kvatera Minabarony Irana3

Papularnaja hrodzienskaja błohierka prarekłamavała kramu z tavarami, vyrablenymi ŭ kałonijach. Aŭdytoryja nie acaniła11

bolš čytanych navin
bolš łajkanych navin

«Tufli — 400 rubloŭ». Vypuskniki dzielacca, u kolki abyšlisia ich vobrazy8

«Tufli — 400 rubloŭ». Vypuskniki dzielacca, u kolki abyšlisia ich vobrazy

Hałoŭnaje
Usie naviny →

Zaŭvaha:

 

 

 

 

Zakryć Paviedamić