Pucin na paradzie Pieramohi nazvaŭ hierojami ŭdzielnikaŭ uvarvańnia va Ukrainu
Na Krasnaj płoščy ŭ Maskvie adbyŭsia parad Pieramohi, na jakim prysutničaŭ Łukašenka.
«My adznačajem Dzień Pieramohi va ŭmovach śpiecyjalnaj vajskovaj apieracyi. Usie jaje ŭdzielniki, tyja, chto na pieradavoj — heta našy hieroi. My schilajemsia pierad vašaj stojkaściu i samaaddanaściu. Z vami — usia Rasija. U vas vierać, chvalujucca za vas i našy vieterany. I duchoŭnaje dačynieńnie vašym losam i podźviham nieparušna źviazvajuć pakaleńni hierojaŭ Ajčyny»», — zajaviŭ Pucin.
Heta treci parad 9 Maja paśla pačatku vajny Rasii suprać Ukrainy. Akramia Uładzimira Pucina na im prysutničajuć kiraŭniki piaci krain SND: Biełarusi, Kazachstana, Kyrhyzstana, Tadžykistana i Turkmienistana.
U minułym hodzie byli jašče premjer Armienii i prezident Uźbiekistana. Akramia taho, na hety raz zaprasili lidaraŭ Kuby, Łaosa i Hviniei-Bisau, piša Bi-bi-si.
U paradzie biaruć udzieł bolš za 9 tysiač čałaviek i 70 adzinak techniki. Hod tamu paviedamlałasia ab 10 tysiačach vajskoŭcaŭ i 125 bajavych mašynach.
U paradzie znoŭ biaruć udzielniki «śpiecyjalnaj vajennaj apieracyi» — tak ułady Rasii nazyvajuć vajnu va Ukrainie.
U Maskvie ranicaj išoŭ husty śnieh. Unačy tempieratura apuskałasia da minus 1,4 hradusa.
Ciapier čytajuć
Cichanoŭski adkazaŭ Cichanoŭskaj: Čamuści nie zhadvajecca, što reabilitacyja syna adbyvałasia ŭ kvaterach i damach, jakija ja kupiŭ105
Kamientary
Za pochvału ot barina,prohłaživanije i počiesyvanije za uškom, rasijanie hotovy tierpieť lubyje unižienija.
To,čto skoro bolšinstvu etich bojevych rabov budiet niečiem marširovať ili niečiem siebie dažie vodki naliť,eto nikak ich nie obłamyvajet.