Kačanava žorstka admoviła ŭ sustrečy inicyjatyvie «Maci-328», im taksama zabaranili pisać pietycyi
Aktyvistki sprabavali zapisacca na pryjom da kiraŭnika Savieta Respubliki, ale atrymali admovu, pišuć pravaabaroncy z MAYDAY.TEAM.
Pradstaŭnicy hramadzianskaj inicyjatyvy «Maci-328», jakaja abjadnoŭvaje svajakoŭ asudžanych za narkazłačynstvy, sprabavali zapisacca na pryjom da Natalli Kačanavaj, ale atrymali žorstkuju admovu.
Kačanava ŭ siaredzinie krasavika anansavała asabisty pryjom hramadzian u Minsku i Žłobinie. Dla taho, kab patrapić na pryjom u pieršych čysłach traŭnia, nieabchodna było papiarednie zapisacca. Telefony dla rehistracyi pry hetym pracavali tolki čatyry hadziny na dzień.
Tym nie mienš aktyvistam udałosia arhanizavać dziažurstva i zapisacca ŭ Minsk i Žłobin. Spačatku im u dobrazyčlivaj maniery skazali, što zajaŭki pryniaty i im pieratelefanujuć, kab udakładnić kolkaść ludziej.
Adnak nieŭzabavie pa nieaficyjnych kanałach aktyvistkam «Maci-328» dali zrazumieć, što «Natalla Kačanava razdražnionaja temaj, a ŭłady bolš nie majuć namieru abmiarkoŭvać niepraparcyjna vialikija terminy dla niepaŭnaletnich i inšyja prablemy asudžanych za narkazłačynstvy».
U vyniku nijakaha zvanka ad pamočnikaŭ Kačanavaj nie było. Akramia taho, pry sprobie apublikavać pietycyju na śpiecyjalizavanym sajcie, inicyjatyva atrymała admovu ad maderataraŭ.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom8
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary