Na poŭdni Brazilii z-za rekordnaj pavodki zahinuli prynamsi 58 čałaviek
U paŭdniovaj častcy Brazilii apošnija niekalki dzion iduć praliŭnyja daždžy: z-za pavodki raźmieščanyja tut harady patanajuć u brudnaj vadzie.
Ułady krainy aficyjna paviedamili ab jak minimum 58 zahinułych, pry hetym 67 čałaviek da hetaha času ličacca źnikłymi bieź viestak, piša Bild.
Hubiernatar brazilskaha štata Ryu-Hrandzi-du-Suł Eduarda Lejte nazvaŭ hetuju pavodku «samaj strašnaj katastrofaj» u historyi rehijonu. Pad vadu pajšli amal piać tysiač damoŭ, šmatlikija masty atrymali surjoznyja paškodžańni.
Pavodle źviestak brazilskaj hieałahičnaj słužby, uzrovień vady zaraz pieravyšaje ŭzrovień histaryčnaj pavodki, jakaja adbyłasia na poŭdni Brazilii ŭ 1941 hodzie.
U niekatorych haradach uzrovień vady dasiahnuŭ samaha vysokaha ŭzroŭniu z pačatku nazirańniaŭ amal 150 hadoŭ tamu.
«Na žal, my źjaŭlajemsia śviedkami histaryčnaj katastrofy. Materyjalny ŭron vielizarny, ale naša hałoŭnaja zadača na dadzieny momant — vyratavańnie ludziej», — skazaŭ Lejte na sustrečy z prezidentam Brazilii Łuisam Inasiu Łuła da Siłvaj.
Adznačajecca, što ŭ štacie Ryu-Hrandzi-du-Suł paciarpieli bolš za 100 nasielenych punktaŭ, uklučajučy stalicu Portu-Alehry.
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary