Zabudoŭščyk «Paŭnočnaha bieraha» paviedamiŭ, što budzie z prajektam paśla źmieny inviestara
Zabudoŭščyk žyłoha kompleksa «Paŭnočny bierah» u Minsku zapeŭniŭ, što, niahledziačy na čutki pra mahčymuju źmienu inviestara, «kancepcyja zabudovy kompleksu zastajecca niaźmiennaj i budzie całkam realizavanaja». Pra heta kampanija «Ryviersajd Deviełapmient Limited» paviedamiła ŭ tielehram-kanale prajekta.
Pavodle słoŭ zabudoŭščyka, kompleks budujuć zhodna z raniej zaćvierdžanym hrafikam i płanam. Pry hetym praciahvajuć prajektavać dziciačy sad i škołu, uzvodziać Minski mižnarodny vystavačny centr.
U kampanii adznačyli, što jany «finansava stabilnyja i vałodajuć dastatkovymi ekanamičnymi i inžyniernymi resursami dla paśpiachovaj pracy nad prajektam na mnohija hady napierad».
U krasaviku ahienctva Reuters sa spasyłkaj na «ludziej, znajomych z pytańniem» paviedamiła, što kiraŭnik kampanii Emaar Properties z Abjadnanych Arabskich Emirataŭ Machamied Ali Ałabar pradaje biełaruski biznes. Raniej jon płanavaŭ inviestavać 4 młrd dalaraŭ u prajekt «Paŭnočny bierah». Pryčyny sychodu — sankcyi i žadańnie Emaar Properties papracavać na jeŭrapiejskim rynku, u pryvatnaści ŭ Sierbii.
Budaŭnictva «Paŭnočnaha bieraha» raźličana na 20 hadoŭ. U kompleksie ŭ tym liku chočuć uźvieści 6 młn kv. mietraŭ žylla, vystavačny centr i Instytut štučnaha intelektu.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary