Nadzieja Jermakova jeździć na aŭtobusie: U śpinu nie plujuć, ale adnojčy ź Jarmošynaj pierabłytali
Byłaja staršynia Nacbanka raskazała, jak žyvie na piensii.
Nadzieja Jermakova ciapier jeździć na hramadskim transparcie.
«Zaŭsiody maryła bačyć śviet takim, a to ŭ asnoŭnym davodziłasia jaho suzirać z zadniaha siadzieńnia aŭto», — žartuje jana ŭ interviu «SB. Biełaruś siehodnia».
«Nie pavierycie: mnie chaciełasia na aŭtobus, nie tolki kali pačała piensijanierski ład žyćcia, ale i kali pracavała. Inšaja reč, kali ranicaj treba być u Chocimsku, a paśla abiedu ŭ Minsku na naradzie, ničoha nie paśpiavała b.
U hramadskim transparcie cikava.
Siadziš, u akienca hladziš, a zzadu žančyny šušukajucca: «Heta ž Jermakova!» Byvała, padychodziać, vitajucca, pa imieni i imieni pa baćku źviartajucca. I ja radujusia, što mnie ŭ statusie «eks» u śpinu nie plujuć, pavažliva staviacca. Adzin raz, praŭda, ź Lidzijaj Jarmošynaj pierabłytali».
Adnojčy Jermakovu vyvodzili z aŭtobusa kantralory.
«Ja drenna vyvučyła ŭmovy dziejańnia prajaznych dakumientaŭ. Kupiła na zadadzieny lik pajezdak, dy nie źviarnuła ŭvahi, što vykarystoŭvać ich treba na praciahu limitavanaha času. Zajšła ŭ aŭtobus, mašynalna prykłała da validatara, a tut kantralory. Nie razumieju, čamu ŭ mianie pajezdka nie apłačana, kali ich až 28 zastavałasia!
I voś mianie na vychad pad bieły ručańki prama la Pałaca Niezaležnaści… Tak soramna! Tłumaču, što ja byłaja staršynia Nacbanka, prašu vypisać mnie štraf i tut razumieju, što navat pašparta z saboj niama, a hrošaj tolki na žeton z tałonam…
U vyniku pradali mnie kantralory tałončyk pa canie biez vadzicielskaj nacenki i paprasili «bolš tak nie žartavać». A ja nie žartuju!»
Byłaja staršynia Nacbanka kaža, što ŭ maładości maryła nie pra karjeru, a pra siamju i piaciarych dziaciej. U vyniku vyraściła dźviuch dačok.
Jermakova dvojčy była zamužam. «Ale za mužam siabie, ci, jak jašče kažuć, za kamiennaj ścianoj, nikoli nie adčuvała. Ciapier abodvuch maich byłych mužoŭ niama ŭ žyvych, ale ja za ich ščyra malusia. Druhomu mužu vielmi padabałasia maja pasada staršyni Nacbanka. Jon hanaryŭsia, što ja na takoj pasadzie».
Zaŭvažaje:
«Z žurnalistami ja razmaŭlać nie lublu. Ludzi vy cikavyja, ale navošta kab pra mianie platkaryli ŭsie vakoł?»
Na piensii Jermakova (joj 71 hod) chodzić na mierapryjemstvy praŭładnaha Biełaruskaha sajuza žančyn, vieteranskaj arhanizacyi Biełarusbanka. Jaje taksama pastavili ŭ prezidyum Usiebiełaruskaha narodnaha schodu.
Ciapier čytajuć
Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie15
Ściapan Puciła: Mianie sprabavali vykraści z dapamohaj pasolstva Biełarusi ŭ Varšavie
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary
Na Jarmošynaj klejma niedzie stavić, bo heta pry jaje kiravańni CVK była vypracavana sistema žestačajšych falsifikacyj