Łukašenka — Jermakovaj: Ty ŭ ciažki momant vyratavała Biełhazprambank i pracoŭny kalektyŭ
Alaksandr Łukašenka abmierkavaŭ z kiraŭnikom časovaj administracyi AAT «Biełhazprambank» Nadziejaj Jermakovaj situacyju ŭ banku i padziakavaŭ za praviedzienuju pracu, piša BiełTA.
«Ja, Nadzieja Andrejeŭna, čamu zaprasiŭ vas publična (źbiraŭsia daŭno, ale chapała pracy tut): pierš za ŭsio, chaču tabie padziakavać, što ŭ ciažki momant adhuknułasia i faktyčna vyratavała bank i pracoŭny kalektyŭ», — skazaŭ kiraŭnik dziaržavy.
Jon adznačyŭ, što Nadzieja Jermakova dobra viedaje situacyju ŭ banku. «Vielmi b prasiŭ, kab paradak byŭ u banku, bank hubić nielha.
Heta bank, jaki, kali «Hazpram» ad jaho admovicca, Haspodź ź imi.
Pracoŭny kalektyŭ jość, navyki jość, mahčymaści buduć. My Nacyjanalnym bankam budziem padtrymlivać hety bank: tam ža našy ludzi i našy pradpryjemstvy. Tak, trapili ŭ składanuju situacyju z-za hetych karupcyjnych prajaŭ, ale ŭ nas jość vopyt utrymańnia nie prosta na płavu bankaŭ, ale i narmalnaha ich funkcyjanavańnia», — padkreśliŭ biełaruski kiraŭnik.
Alaksandr Łukašenka dadaŭ, što, jak dakładvaŭ jamu staršynia Kamiteta dziaržkantrolu Ivan Cierciel, niama katastrofy ŭ banku. «Vam udałosia ź Ladnickaj (Iłona Ladnickaja — namieśnik staršyni Nacyjanalnaha banka) stabilizavać situacyju. Ja taksama vielmi ŭdziačny joj, pieradajcie maju padziaku. Ja zrablu ŭsio dla taho, kab i ludzi, jakija ŭkłali svaje hrošy, i našy pradpryjemstvy ničoha nie stracili. Z našaha boku, z boku dziaržavy, my zrobim usio nieabchodnaje», — zapeŭniŭ Łukašenka.
«Asablivaj zacikaŭlenaści hazpramaŭskaj ja nie baču, choć, kali my razmaŭlali z prezidentam Rasii, jon mnie taksama rekamiendavaŭ: kaža, što bank moža pracavać, nie biednyja ŭ jaho ŭłaśniki — dasłoŭna.
Tamu, kali tabie patrebien hety bank, jon mnie skazaŭ, značyć, pasprabujcie spracavać tak, kab hety bank pracavaŭ. Ja kažu: my tolki za, my suprać nie budziem, ale jon pavinien pracavać pa našych zakonach. Tamu jašče raz udziačny za toje, što zroblena za hety čas u hetym banku», — reziumavaŭ Alaksandr Łukašenka.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała14
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary