Što nie tak ź imiem Ema Stoŭn?
Amierykanskaja aktorka Ema Stoŭn («Favarytka», «Ła-Ła Łend», «Niebaraki») pryznałasia, što chacieła, kab b jaje nazyvali sapraŭdnym imieniem, pakolki «Ema» takim nie źjaŭlajecca, piša Bi-bi-si.
Pry naradžeńni dziaŭčynku nazvali Emili, i mienavita hetaje imia aktorka ličyć pa-sapraŭdnamu svaim. Ale pa ŭsim śviecie jaje viedajuć jak Emu.
«Heta było b tak vydatna, — pryznałasia 35-hadovaja zorka. — Chacieła b ja być Emili».
U intervju vydańniu Hollywood Reporter Stoŭn raspaviała, što prosić kaleh pa zdymkach źviartacca da jaje pa imieni Emili — «paśla taho, jak paznaje ich lepiej».
Pa słovach aktrysy, «čužoje» imia joj daviałosia ŭziać tamu, što jaje ŭłasnaje — Emili Stoŭn — u jaje akciorskim asiarodździ ŭžo było «zaniata» jaje absalutnaj ciozkaj.
Zrešty, zdaryłasia heta daŭno, i tolki paru hadoŭ tamu aktorcy «stała niejak nie pa sabie» ad taho, što pad sapraŭdnym imiem jaje praktyčna nichto nie viedaje.
«U niejki momant ja prosta zrazumieła: bolš tak praciahvacca nie moža», — uspaminaje jana.
U 2018 hodzie aktrysa ŭžo zhadvała, što svajo sceničnaje imia zapazyčyła ŭ lubimaj śpiavački, udzielnicy Spice Girls Emy Bantan.
Stoŭn — daloka nie adzinaja zorka šou-biznesu, jakaja vyrašyła źmianić «užo zaniataje» imia.
Naprykład, kanadski vykanaŭca Abiel Tesfaje, viadomy jak The Weeknd, pry napisańni svajho psieŭdanima naŭmysna skažaje arfahrafiju, hublajučy apošniuju hałosnuju — pa jaho ŭłasnych słovach, kab paźbiehnuć mahčymych prablem z aŭtarskimi pravami», pakolki hrupa The Weekend u Kanadzie ŭžo jość.
Ciapier čytajuć
U Minsku pradali karcinu maładoj mastački za 402 tysiačy jeŭra3
Kamientary