U Polščy likvidavali nielehalny ŭkrainski biznes, pasłuhami jakoha skarystalisia 134 biełarusy
Polskija pamiežniki spynili dziejnaść nielehalnaha biznesu, jakim kiravała hrupa hramadzian Ukrainy. Jak paviedamlaje polskaja Pamiežnaja słužba, hrupa zajmałasia arhanizacyjaj niezakonnaha pierasiačeńnia dziaržaŭnaj miažy i afarmleńniem fiktyŭnych dakumientaŭ dla znachodžańnia inšaziemcaŭ u Polščy.
U chodzie rasśledavańnia polskija siłaviki zatrymali troch hramadzian Ukrainy.
1 kastryčnika ŭ horadzie Hdynia byli aryštavanyja 44‑hadovy mužčyna i 42‑hadovaja žančyna, jakija mieli polskija dazvoły na žycharstva. Padčas pieratrusaŭ u ich kanfiskavali mabilnyja telefony, nośbity infarmacyi, bankaŭskija kartki i kampjutar z kryptavalutnym kašalkom, dzie znachodzilisia srodki na sumu bolš za 6300 dalaraŭ ZŠA. Taksama znajšli i najaŭnyja hrošy — 22 630 złotych (kala 6200 dalaraŭ), 4278 dalaraŭ i 935 jeŭra.
U toj ža dzień pamiežniki ź Biaščadskaha atrada ŭ horadzie Pšemysl niedaloka ad ukranskaj miažy zatrymali jašče adnu 51‑hadovuju hramadzianku Ukrainy, źviazanuju z hetaj schiemaj.
Pavodle materyjałaŭ śledstva, členy hrupy rehistravali ŭ Polščy fiktyŭnyja kampanii, praź jakija padavali zajavy ab namiery pracaŭładkavać inšaziemcaŭ. Heta dazvalała lehalizavać ujezd i znachodžańnie ludziej, jakija faktyčna nie mieli zakonnych padstaŭ dla znachodžańnia ŭ krainie.
U vyniku takoj dziejnaści praź ich schiemy niezakonna pierasiekli miažu i atrymali niezakonnuju mahčymaść znachodzicca ŭ Polščy 134 biełarusy, 839 ukraincaŭ i 2 hruziny.
Pa rašeńni suda ŭsie troje zatrymanych uziatyja pad vartu na try miesiacy. Śledstva praciahvajecca, i mahčymyja novyja zatrymańni.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna13
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
Kamientary