Hrodziency patrabujuć rastłumačyć, kudy źnikła miemaryjalnaja doška Tadevuša Kaściuški
Z Novaha zamka ŭ Hrodnie dniami źniali pamiatnuju došku, pryśviečanuju nacyjanalnamu hieroju Biełarusi. Aburanyja žychary horada ŭ adkaz raźmiaścili na sajcie Petitions.by zvarot u Hrodzienski harvykankam, piša Budzma.org.
«Patrabujem rastłumačyć, kudy padziełasia pamiatnaja doška Tadevuša Kaściuški na Novym zamku ŭ Hrodnie, a taksama ŭ najkaraciejšyja terminy viarnuć jaje na miesca», — pišuć aŭtary pietycyi.
Draŭlanaja šylda na ścianie Novaha zamka była ŭstalavanaja ŭ 1994 hodzie, da 200-hodździa paŭstańnia. Źniali jaje ŭ krasaviku 2024 — praz tryccać hadoŭ.
U vieraśni 1794 hoda ŭ zamku pracavała Paŭstanckaja paradkavaja kamisija, u jakoj braŭ udzieł i Tadevuš Kaściuška. Haradziency adznačyli, što hety vizit — važny momant u historyi Novaha zamka, pra jaki zhadvaje kožny ekskursavod. Dziakujučy pamiatnaj došcy pra hety fakt možna było daviedacca samastojna.
«My ličym, što demantaž doški niehatyŭna ŭpłyvaje na turystyčny patencyjał Hrodna, abiadniaje našuju historyju, idzie ŭ razrez z pryniatymi kancepcyjami raźvićcia turyzmu i haścinnaści Biełarusi,» — napisali aŭtary zvarota.
Podpisy źbirajuć da 8 maja 2024 hoda.
Pamiać pra Tadevuša Kaściušku zdaŭna šanujecca i zachoŭvajecca žycharami Hrodna, adznačyli aŭtary pietycyi. Vulica Kaściuški isnuje ŭ horadzie kala 100 hadoŭ, a ŭ Kafiedralnym sabory Francyska Ksavieryja raźmieščanyja dźvie pamiatnyja doški. Adna šylda z nadpisam na polskaj movie była pastaŭlena ŭ 1917 hodzie da 100-hodździa z dnia śmierci dziejača. Druhaja — u 2017 hodzie, užo da 200-hodździa z dnia jaho śmierci. Jana zroblenaja z admysłovaha škła i maje nadpisy na biełaruskaj, polskaj i anhlijskaj movach: «1817—2017. Tadevušu Kaściušku — udziačnyja naščadki».
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy7
Kamientary