Vybarčaja kamisija dazvoliła ŭdzielničać u vybarach u Kaardynacyjnuju radu 12-ci śpisam kandydataŭ, paviedamiła pres-słužba Kaardynacyjnaj rady.
Da vybaraŭ dapuścili nastupnyja śpisy:
1. «Salidarnaść» — 21 čałaviek na čale z pradstaŭnikom hrupy chryścijanskich demakrataŭ Hieorhijem Dźmitrukom i v. a. staršyni partyi «Narodnaja hramada» Jaŭhienam Vilskim.
2. «Vola» — 20 čałaviek na čale z namieśnikam kamandzira Pałka imia Kastusia Kalinoŭskaha Vadzimam Kabančukom.
3. «Jeŭrapiejski vybar» — 34 čałavieki na čale z palityčnym daradcam Śviatłany Cichanoŭskaj Alaksandram Dabravolskim.
4. «Naša sprava» — 14 čałaviek na čale z palitołaham Rozaj Turarbiekavaj.
5. «Zakon i pravaparadak» — 20 čałaviek na čale z kiraŭnikom arhanizacyi ByPol Alaksandram Azaravym.
6. «Hołas dyjaspar — adzinstva pa-nad miežami» — 13 čałaviek na čale ź lidarkaj biełaruskaj dyjaspary ŭ San-Francyska Nadziejaj Nortan.
7. «Niezaležnyja biełarusy» — 17 čałaviek na čale ź videabłohieram Maksimam Šabuckim.
8. «Błok Prakopjeva-Jahorava» — 34 čałavieki na čale z byłym restarataram Vadzimam Prakopjevym i ciapierašnim kiraŭnikom Kaardynacyjnaj rady Andrejem Jahoravym.
9. «Kamanda Łatuški i Ruch «Za svabodu» — 46 čałaviek na čale z namieśnikam kiraŭnika Abjadnanaha pierachodnaha kabinieta Paŭłam Łatuškam i jahonym namieśnikam pa kadravych pytańniach, lidaram Ruchu «Za svabodu» Jurasiom Hubarevičam.
10. «Chopić bajacca!» — 14 čałaviek na čale ź videabłohierkaj Taćcianaj Martynavaj.
11. «Kraina dla žyćcia» — 17 čałaviek na čale z kiraŭnikom adnajmiennaha hramadskaha ruchu Vitalem Saviukom.
12. «Moładzievy nastup» — 15 čałaviek na čale z aktyvistkaj «Moładzievaha błoka» Lizavietaj Prakopčyk.
U rehistracyi było admoŭlena tolki adnamu śpisu — «Za hodnaść biełarusak» na čale z kiraŭnikom vilenskaha adździaleńnia «Ruchu biełaruskich nacyjanalistaŭ» Jarasłavam Hryhorjevym.
Vybary ŭ Kaardynacyjnuju radu majuć pačacca 25 traŭnia i praciahnucca 3 dni — da 23:59 27 traŭnia. Pieršaje pasiadžeńnie Kaardynacyjnaj rady treciaha sklikańnia zapłanavanaje na 15 červienia.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA15
Kamientary